Ortalyq barlaý qyzmetine aıyp taǵyldy
AQSh senatynyń barlaý jónindegi komıtetiniń basshysy Daıen Faınstaın Ortalyq barlaý qyzmetine kongress qyzmetshileri paıdalanatyn kompıýterlerge buzyp kirdi degen aıyp taǵyp otyr.
Senator Faınstaın jýrnalısterge mundaı árekettiń zań shyǵarýshy bıliktiń barlaý qyzmetterin qadaǵalaýyna negizdelgen konstıtýsııalyq qaǵıdattarǵa nuqsan keltiretinin málimdegen. Ortalyq barlaý qyzmetiniń ishki tergeýler bólimine AQSh kongresi kompıýterlerine buzyp kirý oqıǵasyn tekserý tapsyryldy. Men bul iske úlken mańyz bere qaraımyn, bul turǵyda Ortalyq barlaý qyzmetiniń federaldyq zańdardy burmalaǵan bolýy ábden múmkin, dep atap kórsetken Faınstaın. Degenmen, Ortalyq barlaý qyzmetiniń dırektory Djon Brennan senat tarapynan taǵylǵan aıypty joqqa shyǵaryp otyr.
Gambııa aǵylshyn tilinen bas tarta ma?
Qurlyqtyq Afrıkadaǵy eń shaǵyn memleket bolyp tabylatyn Gambııa prezıdenti Iаıch Djamme óziniń aǵylshyn tilin resmı til retinde paıdalanýdan bas tartatynyn málimdedi. Bul týraly batystyq aqparat quraldary habarlap otyr. Biz ózimizdiń týǵan tilimizde sóılespekpiz, dep málimdegen ol eldiń astanasy Banjýlde jańa ádilet mınıstrinen ant qabyldaý rásimi kezinde. Degenmen, ol qaı taıpa tiliniń aǵylshyn tilin almastyratynyn naqty atap kórsetpegen. Sonymen birge, burynǵy metropolııaǵa bitimsiz kózqaras ustanatyn 48 jastaǵy el prezıdentiniń óz sózin aǵylshyn tilinde aıtqany da belgili bolyp otyr.Birikken Ulttar Uıymyn kinálaýda
Gaıtıde tyrysqaq aýrýynan zardap shekken birneshe júzdegen adam Nıý-Iork sotyna BUU ústinen ujymdyq talap aryz túsirgen. Onda BUU-ǵa aýrý taratty degen aıyp taǵylyp otyr.
Jol apatyna vıse-premer kináli
Chehııanyń vıse-premeri Pavel Belobradek moped júrgizýshisin soǵyp ketken. Bul týraly jergilikti buqaralyq aqparat quraldary habarlaǵan kórinedi. Oqıǵa el astanasy Pragada dúısenbi kúni keshkilik oryn alǵan. Polısııanyń málimeti boıynsha, avtomobıl rólinde kele jatqan Belobradek kóshe qıylysynda basty jolmen kele jatqan mopedke jol bermegen kórinedi. Sonyń saldarynan eki dońǵalaqty kólik júrgizýshisi jeńil jaraqat alǵan. Quqyq qorǵaý organdary abaısyzdan denege jaraqat salý deregi boıynsha is qozǵaǵan. Al Belobradek bolsa, óziniń moped júrgizýshisin baıqamaı qalǵanyn, degenmen, apattan keıin birden «jedel járdem» shaqyrǵanyn aıtyp aqtalǵan.Úkimet basshysy qyzmetinen ketti
Lıvııa parlamentiniń depýtattary ótken sársenbi kúni premer-mınıstr Alı Zeıdanǵa senimsizdik bildirgen. Oqıǵanyń bulaısha órbýine soltústikkoreıalyq «Mornıng Glorı» tankeriniń jergilikti áskerı áýe kúshteri kemeleriniń joldy japqanyna qaramastan Lıvııanyń Es-Sıdr portynan ketip qalýy túrtki bolǵan.
Eldiń qorǵanys mınıstri Abdalla ál-Tanı, premer-mınıstr mindetin ýaqytsha atqaratyn bolady. Al turaqty premer-mınıstrdi Lıvııa parlamenti taıaýdaǵy eki aptanyń ishinde saılaýy tıis. Aıta ketý kerek, Alı Zeıdan Mýammar Kaddafı rejimi qulatylyp, alǵashqy parlamenttik saılaý ótken 2012 jyly Lıvııa úkimetin basqarýǵa kelgen bolatyn. Premer-mınıstr laýazymynda júrgende Zeıdan talaı ret synǵa da ilikti. Ásirese, onyń saıasatyn tym beıtarap dep sanaǵan ıslamıster el úkimeti basshysyn jıi-jıi syn tezine alatyn.
26 jyldan soń aqtaldy
Lýızıana soty 26 jyl boıy ólim jazasyna kesilgen úkimdi kútip otyrǵan 64 jastaǵy Glenn Fordty aqtap aldy. Ol sheshim shyqqannan keıin birneshe saǵattan soń-aq bostandyqqa shyqqan. Fordtqa onyń advokattary adam ólimi bolǵan kezde onyń qylmys oryn alǵan jerde bolmaǵanyn dáleldegennen keıin ǵana aqtalýdyń sáti túsken. Fordtqa 1980 jylǵy qylmystyq is boıynsha zerger jáne saǵat sheberi Izıdora Rozmandy óltirdi degen aıyp taǵylǵan bolatyn. О́ıtkeni, Fordt Rozmanmen tanys bolyp, keıde oǵan úı sharýasynda kómektesip te turǵan. Sonymen birge, ol óziniń zergerdiń ólimine esh qatysy joq ekenin de aıtýmen bolǵan eken. Osylaısha Fordtqa ózine qatysty shyǵarylǵan úkimniń oryndalýyn 26 jyl boıy kútýge týra kelgen. Internet materıaldary negizinde ázirlendi.
