О́lgen adamdy kýáǵa tartqan sot ótti

Almatyda osydan eki jyl buryn úıin qorǵaı­­myn dep júrip, ózin órtep óltirgen Svetlana Turǵanbaeva esimdi marqum kisige qatysty sot prosesi taǵy jalǵasty. Sebebi, ashynǵan kóp balaly ananyń bul ómirdegi aqyrǵy qadamy da bas­pana daýyna sońǵy núkteni qoıa almapty. 2012 jyldyń sáýirinde S.Turǵanbaeva taban aqy, mańdaı terimen satyp alǵan baspanasyn qor­ǵaý úshin sońǵy suhbatyn bergen. Al araǵa aı salyp úıine kelgen sot oryndaýshylary­nan bas­panasyn qorǵaımyn dep, aq shashty ana aqyr­ǵy qadamyna bardy. Sol joly óz-ózin órte­mek bolǵan áıeldiń denesiniń 85 paıyzyn kúıik sha­lyp, kópbalaly ana aýrýhana tóseginde kóz jumdy. Alaıda, sharasyz áıeldiń aqyrǵy qadamy da Qor­jynbaevtar otbasyn baspana daýynan qutqar­mady. Áıeldiń jylyn berýge bir apta qalǵanda, sot oryndaýshylary marqumnyń atyna úıdi bosatý qajettigi týraly eskertpe qaǵazyn jiberipti. Odan keıin dál osy isti qaraǵan Alataý aýdandyq sýdıasynyń ózi isti bolyp, bul daý biraz tynyshtanǵan. Qazir qalalyq sottan habar kelip, qarsy taraptyń apellıasııalyq shaǵymy qaralýda. Talapker Melethan Masaqovtyń aıtýynsha, onyń ólgen inisimen birge turǵan áıel úıdi jalǵan qujat arqyly satyp ketken. Al Z.Qorjynbaı ótken sot prosesinde iske tirkegen talap-aryzynda jaýapkerdiń qaıtys bolýyna baılanysty istiń toqtatylýyn ótingen. Sýdıa dál osy shaǵymdy sot materıaldarynan tappapty. Sondaı-aq, Svetlananyń kúıeýi Zeıish Qorjynbaı úıdi qaı­tarsa, áıeliniń de ornyn toltyrýdy talap etti. Sóıtip, qaıtys bolǵan adam jaýapkerlikke tar­tylǵan apellıasııalyq iske sońǵy núkte qoıyl­ǵan joq. Sot materıaldarynda keıbir shaǵymnyń joǵalyp ketýine baılanysty kelesi sot májilisi 18-naýryzda ótetin boldy. Qurysh NURYMBET.