Prezıdent aıtqan «Halyq únine qulaq asatyn memleket» quramyz desek, onda dál qazirgi ýaqytta ashyqtyq saıasaty kerek. Eń aldymen keshegi suhbatta «Qasiretti qańtarǵa» qalaı tap bolǵanymyz jóninde, sol ýaqyttaǵy bizge beımálim bolǵan jaıttar ashyq aıtyldy. Elimiz úshin qıyn sátterde tyń sheshimder qabyldaý qajettigi týyndaǵanynan habardar boldyq. Osy oraıda kúni keshe ótken Nur Otan partııasynyń kezekten tys sezinde Memleket basshysynyń jańa Qazaqstan qurý úshin ótkenimizdi esh ýaqytta umytpaýǵa tıis ekendigimizdi basa aıtqany eske túsedi. Elimizdiń qaýipsizdigi, elimizdiń táýelsizdigi, bul – qazirgi kezeńde kózimizdiń qarashyǵyndaı saqtaıtyn qundylyqtar. Sondyqtan búkil halyq bolyp osy máseleni durys talqylap, oń sheshimin tabýymyz qajet jáne bolashaǵymyz úshin jumys isteýge tıispiz.
Memleket basshysy elimiz parlamenttik respýblıka bolýy múmkindigine qatysty da pikirin bildirdi. Jalpy, Májiliste myqty partııalar bolsa, olar shynaıy halyqtyń ortasynan tabylyp, naqty jetistikterge qol jetkize alsa, onda bul da basqarýdyń bir júıesi bolar edi. Biraq bul búgin-erteń bola qoıatyn jaıt emestigin bárimiz de túsinemiz. Al bolashaqta munyń da qajeti bar shyǵar. Ony da oılaýǵa tıispiz. Demokratııasy damyǵan Eýropa elderinde memlekettik basqarýdyń prezıdenttikpen qatar parlamenttik júıesi de tıimdiligin kórsetip otyr. Túptep kelgende Prezıdent suhbatynan keıin Qazaqstannyń bolashaǵyna qatysty oı qalyptasty. Iаǵnı Memleket basshysy elimizdiń bolashaǵy bilimde, ǵylymda, jańa tehnologııalarda jáne qazaqstandyqtardyń ál-aýqatynyń artýynda ekendigin aıtty. Sondyqtan ata-babamyz ańsaǵan jańa Qazaqstandy qurý kezeńinde bul da damýdyń bir úrdisi bolary anyq. Demek úmit sónbeıdi, arta beredi.
Darııa QOJAMJAROVA,
M.Áýezov atyndaǵy Ońtústik Qazaqstan ýnıversıtetiniń rektory
