Árıne, Prezıdent «Reseı bilim júıesi, ásirese tehnıkalyq bilim salasy jaqsy» ekendigin aıta kele, Qazaq eli Reseıdiń «strategııalyq seriktesi, bizde iri bıznes salasynda birlesken kásiporyndar bar, sondyqtan bizge Reseıde bilim alǵan tehnıkalyq mamandar qajet» ekendigin atap ótti.
Bul Prezıdenttiń ózi atap kórsetkendeı, Reseıde ǵana bilim alý qajet degendi bildirmeıdi jáne Batys elderinde bilim alǵysy kelgen adamǵa eshkim kedergi keltirmeıdi.
Alaıda Batystyń bilim salasyn ıdealǵa aınaldyrýdyń qajeti joqtyǵyn meńzedi. Dana halqymyz «jaqsydan úıren, jamannan jıren» degendeı, biz Batystyń da, Reseıdiń de, taǵy da basqa elderdiń qaı salada bolsyn, jaqsy, ozyq tustaryn ǵana ekshelep ala bilýimiz qajet. Sondaı-aq ony óz ultymyzdyń ereksheligin eskere otyryp, qoldanysqa durys engize bilsek ıgi. Osy tusta biz Bolon úderisi boıynsha bilim salasyna engizilgen ózgeristerge de qaıtadan taldaý jasaǵanymyz durys dep oılaımyn. Batys bilim júıesin engizýde bizde ketken qatelikterdi túzetý qajet. Osy ýaqytqa deıin jiberilgen olqylyqtardy eskerip, bilim júıesine túzetýler engizetin ýaqyt jetti dep esepteımin.
Aıtqalı BAQYTOV,
QazUÝ professory
