«Árıne, salanyń eń ótkir máseleleriniń biri - mádenıet uıymdary qyzmetkerleriniń áleýmettik paketi. Mádenıet uıymdarynyń laýazymdyq jalaqylaryna «ulttyq» mártebesi bar 1,75 koeffısıenti túrinde qosymsha aqylar men ústemaqylar ázirleý qajet», dedi Dáýren Abaev vedomstvonyń keńeıtilgen alqa otyrysynda.
Sondaı-aq onyń aıtýynsha, shyǵarmashylyq joǵary oqý oryndarynyń professor-oqytýshylar quramy men konsertmeısterleriniń jalaqy mólsherine nazar aýdarý qajet.
«Bul máseleni men óz baqylaýyma alamyn. Osy kúnderi men kezdestirgen kóptegen oqytýshylar, tipti eń qıyn 90-shy jyldary da óz mamandyqtaryn tastamady. Olardyń arqasynda mádenıet pen ónerde urpaq alshaqtyǵy bolǵan joq», dep atap ótti vedomstvo basshysy.
