Qańtar qasiretiniń bir sheti sheteldik BAQ betterinde de kórindi. Kórshiles memleketterdiń jýrnalısteri elimizde bolǵan oqıǵalardy baıandaý kezinde «Reseı Qazaqstandy qutqardy» degen maǵynada habar taratqanyn kórdik.
Osy tusta, Memleket basshysy Qazaqstan men Reseı arasyndaǵy qarym-qatynas jaıly sóz qozǵady.
«Reseı – Qazaqstanǵa jaqyn ornalasqan seriktes memleket. Osyndaı jaǵdaıda onyń bizge kómekke kelýi aıtpasa da túsinikti. Muny qutqarý emes, ortaq múddemizdi qorǵaý úshin jasalǵan is-áreket dep túsinýge bolady. Bul – bir. Ekinshiden, atalǵan máselege geosaıası ahýal turǵysynan da qaraý kerek. Ujymdyq qaýipsizdik týraly shart uıymy – bárimizge ortaq qurylym. Reseı jáne Uıymǵa múshe memleketter Qazaqstannyń ǵana emes, ózderiniń de qaýipsizdigin oılady. Sol úshin kómek qolyn sozdy», dep túsindirdi Prezıdent.
