Qyrǵyzstan Prezıdentimen kezdesti

Qazaqstan Prezıdenti Nursultan Nazarbaev Qyrǵyz Respýblıkasynyń Prezıdenti Almazbek Atambaevpen kezdesti, dep habarlady Prezıdenttiń baspasóz qyzmeti. Almatydaǵy kezdesýde memleket basshylary saýda-ekonomıkalyq, ınvestısııalyq, sý-energetıkalyq jáne mádenı-gýmanıtarlyq yntymaqtastyqpen qatar, ekijaqty qarym-qatynastardy nyǵaıtý máselelerin talqylady. Sondaı-aq, birlesken qazaq-qyrǵyz ınvestısııalyq qory jumysynyń baǵyttary da qaraldy. Buǵan qosa, Nursultan Nazarbaev pen Almazbek Atambaev Eýrazııa keńistigindegi ıntegrasııalyq birlestikter aıasyndaǵy ózara yqpaldastyqtyń negizgi joldaryn talqylady. Qazaqstan Prezıdenti mundaı kelissózderdiń aldaǵy ýaqytta eki eldiń ekonomıkalyq damýyna yqpal etetin mańyzdylyǵyn atap ótti. – Ekijaqty taýar aınalymy 2011 jylmen salystyrǵanda 41%-ǵa ósip, 1 mıllıard dollar­dan asty. Qazaqstan táýelsizdik jyldary Qyrǵyzstan ekonomıkasyna 1 mıllıard dol­lardan astam ınvestısııa saldy. Alda áli de kóp jumys bar. Biz memleketaralyq komıs­sııany jáne Qazaqstan men Qyrǵyzstan Joǵa­ry memleketaralyq keńesiniń otyrysyn ótkizýimiz kerek. Osyǵan baılanysty ynty­maqtastyǵymyzdyń barlyq baǵytyn talqylaýǵa daıynbyz, – dedi Memleket basshysy. Qyrǵyz Respýblıkasynyń Prezıdenti kezdesý úshin alǵysyn bildire kele, Qazaqstannyń beıbitshilik pen turaqtylyqty qamtamasyz etý isinde de, áleýmettik-ekonomıkalyq kórsetkishter turǵysynan da Ortalyq Azııadaǵy jetekshi el ekenin atap kórsetti. – Kezdesýlerimiz kezinde men árdaıym ózim úshin paıdalyny oıǵa túıemin jáne Sizden árqashan kóp nárseni úırenýge bolatynyn aıtqym keledi, – dedi A.Atambaev. Taraptar óńirdegi qaýipsizdiktiń jaı-kúıi men halyqaralyq kún tártibiniń ózekti jaıttary jóninde de pikir almasty. ----------------------------------------- Sýretti túsirgender S.BONDARENKO, B.OTARBAEV.