Daǵdarysqa qarsy álemdik únqatysý alańy

Jyl saıyn Astana qalasynda Elbasy Nursultan Nazarbaevtyń bastamasymen álemdik ekonomıkalyq forým ótkizý dástúrge aınaldy. Mine, bıyl jetinshi ret ótkizilgeli otyrǵan bul halyqaralyq basqosýǵa álemniń júzge tarta memleketterinen dýaly aýyz sarapshylar, belgili saıasatkerler, ekonomıka ǵylymynyń kóshbas­shy­la­ry, Nobel syılyqtarynyń laýreattary qatysady dep kútilýde. Astana ekonomıkalyq forýmy sheńberinde osymen ekinshi ret jahandyq ekonomıkalyq daǵdarystyń sebep-saldarlaryn aıqyndap, qıyndyqtan shyǵý joldaryn belgileıtin Daǵdarysqa qarsy dúnıejúzilik konferensııa uıymdastyrylady. Álem sarapshylarynyń bergen baǵasy boıynsha, jahandyq sheshimder qabyldaıtyn alańǵa aınalǵan – VII Astana ekonomıkalyq forýmyna búginde daıyndyq jumystary keń kólemde óris alýda. Álemdik daǵdarys – barlyq ekonomıkalyq bastaýlardy ózgertýge ushyratatyn erekshe qubylys. Osy daǵdarysqa qarsy dúnıejúzilik jospar ázirleý maqsatynda BUU qoldaýymen Qazaqstan Respýblıkasynyń elordasy – Astana qalasynda 2013 jyly tuńǵysh ret Daǵdarysqa qarsy dúnıejúzilik Konferensııa (DQDK) uıymdastyryldy. Shara dástúrli túrde jylda ótetin Astana ekonomıkalyq forýmy aıasynda ótti. Osylaısha Qazaq eli usynǵan biregeı alańda álemniń eń salmaqty teoretıkteri men praktıkteri ózara pikir almasty, daǵdarysqa qarsy jahandyq josparǵa óz usynystaryn qosty.   (Sońy 5-bette). Bul álemdik jıynǵa tikeleı qatysa almaǵandar, kele almaǵandar da tys qalmady. Olar Qazaqstan Respýblıkasynyń Prezıdenti Nursultan Nazarbaevtyń bastamasymen 2012 jyldyń 12 qańtarynda «Ǵalymdardyń Eýrazııalyq ekonomıkalyq klýby» Qaýymdastyǵynyń (ǴEEKQ) yqpal etýimen iske qosylǵan www.group-global.org saıtynda, «G-Global» kommýnıkatıvti ınternet-alańy formatyndaǵy zııatkerlik jelisinde baıandamalaryn ázirlep, pikirlerin bildirdi. Sóıtip, álemdik qarjylyq daǵdarystan shyǵý joldaryn izdestiretin tetikterdi tabý, tal­qy­laý maqsatyndaǵy jumys jedel qarqynmen damı bastady. Qysqa ǵana ýaqytta daǵdarysqa qarsy joldardy izdestiretin qozǵalysqa qatysýshylardyń sany kúrt artty. Aqparattyq-kommýnıkasııalyq alań – daǵ­da­rystan shyǵý tetikterin úzdiksiz onlaın-talqylaıtyn ortalyqqa aınaldy. «Astana ekonomıkalyq forýmy men Daǵdarysqa qarsy dúnıejúzilik konferensııa» vırtýaldy jobasy bir aıdyń ishinde 68 onlaın konferensııa ótkizip, barlyq elden 730 baıandama qabyldap, 79 usynys tústi.Vırtýaldy joba teń uıym­dastyrýshylarǵa on­laın-kon­ferensııalar ar­qy­l­y syr­t­­taı taqyryptyq sessııalar ótkizýge múmkindik bergeni de ras. Osylaısha, saıasat sahna­synda eldi eleń etkizetindeı oqıǵa oryn aldy. Qazirgi tańda, atqarylǵan ju­mystar men G-Global vır­týaldy aqparatty-kom­­mýnıkasııalyq alań sarap­shylarynyń arqasynda Daǵ­darysqa qarsy dúnıejúzilik jospardyń alǵashqy jobasy ázirlendi. Demokratııalyq us­tanymdarǵa negizdelgen jáne qarjy-ekonomıkalyq daǵdarystan shyǵýdyń tıimdi joldaryn tabýǵa baǵyttalǵan, sondaı-aq, bolashaq quldy­raý­lardyń aldyn alatyn, uzaq merzimdi ekonomıkalyq damýdy qamtamasyz etetin Daǵdarysqa qarsy dúnıejúzilik jospar jobasyna álemniń ár turǵyny atsalysa alady. Álemdik sarapshylar qaýym­dastyǵynyń, ǵylymı-zertteý ortalyqtarynyń, memlekettik organdardyń, úkimettik emes jáne halyqaralyq uıym­dardyń, isker ortalardyń ókilderi, sonymen qatar, qyzy­ǵýshylyq tanytqan ózge de tulǵalar dúnıejúzilik damýǵa baılanysty óz usynystary men pikirlerin bir aı ishinde G-Global (www.group-global.org) alańynda oı bólisip, álemdik ekonomıkany jahandyq damytýǵa baılanysty usynys­tardy talqylaı alady.Daǵda­rysqa qarsy dúnıejúzilik jospardyń alǵashqy joba­symen halyqaralyq G-Global jobasynyń resmı saıtynda http://www.group-global.org ta­nysýǵa bolady. Al, Daǵda­rysqa qarsy dúnıejúzilik jos­par II Daǵdarysqa qarsy dúnıejúzilik konferensııa kezinde qabyldanatyn bolady. Astana ekonomıkalyq forý­my qazirgi zamanǵy eko­no­mıkalyq, qarjylyq, áleý­mettik máselelerdiń sheshý joldaryn izdeýde álemniń ozyq oıshyldaryn biriktirgen halyqaralyq jıyn ekeni daýsyz. Al Daǵdarysqa qarsy dúnıejúzilik jospar zamannyń suranystaryna jaýap bere alatyn qujat bolatyny aqıqat. Eń bastysy, bul qujat – ulttyq múddeni qorǵaý úshin ǵana emes, dúnıejúzine serpin bere alatyn biregeı joba. Jylqybaı JAǴYPARULY, «Egemen Qazaqstan».