Prezıdent Nursultan Nazarbaevtyń «Qazaqstan Respýblıkasynyń memlekettik basqarý júıesin odan ári jetildirý týraly» Jarlyǵyna sáıkes qurylǵan Baılanys jáne aqparat agenttigine burynǵy Mádenıet jáne aqparat mınıstrliginen aqparat, muraǵat isi jáne qujattama salasyndaǵy fýnksııalar men ókilettikter berilgeni belgili. Keshe sala basshysy Asqar Jumaǵalıev Agenttikke qarasty mekemeler jumysymen jaqynyraq tanysýdy qazaq baspasóziniń qarashańyraǵynan – jaryq kórgenine bıyl 95 jyl tolatyn «Egemen Qazaqstan» gazetiniń redaksııasynan bastady.
– Prezıdent «Otanymyzdyń bas gazeti» dep baǵalaǵan «Egemen Qazaqstannyń» bizdiń barshamyz úshin, jalpy halqymyz úshin orny bólek. Gazettiń 90 jyldyq torqaly toıyna Elbasymyzdyń ózi kelip qatysqany, óziniń tikeleı qamqorlyǵymen turǵyzylǵan osy tamasha ǵımaratty ashyp bergeni kóp jaıdy ańǵartady, – dedi Agenttik tóraǵasy kezdesýdiń basynda.
«Egemen Qazaqstan» respýblıkalyq gazeti» aksıonerlik qoǵamynyń prezıdenti Saýytbek Abdrahmanov sala basshysyna ujymnyń tynys-tirshiligi, gazettiń qazirgi deńgeı-dárejesi, aldaǵy mindetter, sheshýin kútken máseleler týraly baıandap berdi. «Qazir qaı salaǵa da qoıylar basty talap – básekege qabilettilik. Aqparat salasyndaǵy básekege qabilettilik – ulttyń básekege qabilettiliginiń mańyzdy sharttarynyń biri. Gazet eldiń básekege qabilettiligi árbir adamnyń myna dúbirli dúnıedegi básekege qabilettiligimen aıqyndalady degen ustanymdy basshylyqqa ala otyryp, óz maqalalary arqyly oqyrmandy jańa myńjyldyqtyń, jańa ǵasyrdyń tyń talaptaryna saı bolatyndaı etip shıratýdy maqsat tutady. «Egemen Qazaqstannyń» óziniń básekege qabilettiligin damytý baǵytynda mynandaı máselelerge basymdyq beriledi: basylym mazmunyn (kontent) jaqsartý, ıkemdilik, jedeldik, utqyrlyq, aqparattyq ónimniń daralyǵy, sapasy, óndirý men taratý jedeldigi, taqyryptyq qamtý aýqymdylyǵy, kásibı mamandaný, gazetti osy zamanǵy tásildermen (ınternet-qoldaý) súıemeldeý, ekonomıkalyq tabystylyq, tıimdi menedjment», dedi bas basylym basshysy. Kezdesýde gazet jumysyn búgingi kún talabyna saı shıratý, sonyń ishinde ınternettik nusqany jetildire túsý máseleleri syn turǵysynan sóz etildi.
Pikir alysýdy qorytyndylaı kelip Asqar Jumaǵalıev: «Ujymnyń basshysynyń sózinde de, sóıleýshilerdiń sózderinde de tabystardy sanamalap aıtý bolǵan joq. Jalpy, jaǵdaıdan aqparat berilip, alda turǵan mindetter áńgimelendi. Bul jaqsy. Munyń ózi «Egemen Qazaqstannyń» ujymy alǵa qoıylǵan mindetterdiń jaýaptylyǵyn tolyq túsinetinin, sergek sezinetinin bildiredi. Men gazet basshysynyń basylym tujyrymdamasy jónindegi oılarymen kelisemin. «Egemen Qazaqstan» eń aldymen áleýmettik optımızm gazeti bolýy kerek. Onyń betindegi materıaldar halyqtyń Memleket basshysynyń saıasatyn jan-júregimen sezinýine, túsinýine, qoldaýyna kómektesýge tıis. Gazet maqalalary, suhbattary, reportajdary bizdiń elimizdegi jasampazdyq jumysty kórsete otyryp, adamdardyń erteńgi kúnge senimin nyǵaıtýǵa tıis. «Egemen Qazaqstannyń» materıaldary el halqynyń birligine yqpal etýge, qoǵamdyq turaqtylyqty ornyqtyra túsýge tıis. Bul turǵydan gazettiń baǵyty aıqyn» deı kelip, gazet saıtyna qatysty syn pikirlerin de ortaǵa saldy. «Gazet saıtyn jaqsartý úshin sizderde barlyq múmkindikter bar. Redaksııanyń árbir jýrnalısi gazetke de, saıtqa da qatar jumys isteýge tıis. Eń mańyzdysy – kontent. Biz «Egemen Qazaqstannyń» jańa jaǵdaıdaǵy jumysyn gazettiń taralymymen ǵana emes, saıttyń tanymaldylyǵymen de ólsheıtin bolamyz. Muny aıqyn uǵynyńyzdar. Kóp dúnıege jańasha qaraýǵa, tyń turǵydan jumys isteýge týra keledi. Zaman ózgerip ketti. Bizdiń jumys tásilderimiz de ózgerýi kerek. Memlekettik BAQ-tardyń úni ınternet keńistiginde qazirgiden qattyraq shyǵýǵa tıis. Birte-birte qaǵaz túrindegi gazetterdiń yqpaly azaıa beretindigi, ınternet-resýrstardyń róli arta túsetindigi anyq. Bul úderis búkil álemde júrip jatyr. Ol Qazaqstanda da bastaldy. Keıbir gazetterdiń jabylǵanyn, saıtqa aınaldyrylǵanyn ózderińiz kórip otyrsyzdar. Redaksııanyń árbir qyzmetkeriniń ınternet-jýrnalıstıka tásilderin meńgerýi mindetti. Jalpy, buqaralyq aqparat quraldaryna, sonyń ishinde gazetterge qoıylyp otyrǵan jańasha talaptarǵa saı jumys isteý kerek. Búgingi áńgime «Egemen Qazaqstannyń» ujymynda osyndaı umtylys bar ekenin kórsetedi», dedi Asqar Qýanyshuly kezdesýdi qoryta kelip.
Agenttik tóraǵasy aksıonerlik qoǵam ǵımaratyn aralap kórip, gazet shyǵarý prosesimen tanysty, redaksııa ujymyna birlese atqaratyn ortaq iste tabys tiledi.
Jylqybaı JAǴYPARULY,
«Egemen Qazaqstan».
– Prezıdent «Otanymyzdyń bas gazeti» dep baǵalaǵan «Egemen Qazaqstannyń» bizdiń barshamyz úshin, jalpy halqymyz úshin orny bólek. Gazettiń 90 jyldyq torqaly toıyna Elbasymyzdyń ózi kelip qatysqany, óziniń tikeleı qamqorlyǵymen turǵyzylǵan osy tamasha ǵımaratty ashyp bergeni kóp jaıdy ańǵartady, – dedi Agenttik tóraǵasy kezdesýdiń basynda.
«Egemen Qazaqstan» respýblıkalyq gazeti» aksıonerlik qoǵamynyń prezıdenti Saýytbek Abdrahmanov sala basshysyna ujymnyń tynys-tirshiligi, gazettiń qazirgi deńgeı-dárejesi, aldaǵy mindetter, sheshýin kútken máseleler týraly baıandap berdi. «Qazir qaı salaǵa da qoıylar basty talap – básekege qabilettilik. Aqparat salasyndaǵy básekege qabilettilik – ulttyń básekege qabilettiliginiń mańyzdy sharttarynyń biri. Gazet eldiń básekege qabilettiligi árbir adamnyń myna dúbirli dúnıedegi básekege qabilettiligimen aıqyndalady degen ustanymdy basshylyqqa ala otyryp, óz maqalalary arqyly oqyrmandy jańa myńjyldyqtyń, jańa ǵasyrdyń tyń talaptaryna saı bolatyndaı etip shıratýdy maqsat tutady. «Egemen Qazaqstannyń» óziniń básekege qabilettiligin damytý baǵytynda mynandaı máselelerge basymdyq beriledi: basylym mazmunyn (kontent) jaqsartý, ıkemdilik, jedeldik, utqyrlyq, aqparattyq ónimniń daralyǵy, sapasy, óndirý men taratý jedeldigi, taqyryptyq qamtý aýqymdylyǵy, kásibı mamandaný, gazetti osy zamanǵy tásildermen (ınternet-qoldaý) súıemeldeý, ekonomıkalyq tabystylyq, tıimdi menedjment», dedi bas basylym basshysy. Kezdesýde gazet jumysyn búgingi kún talabyna saı shıratý, sonyń ishinde ınternettik nusqany jetildire túsý máseleleri syn turǵysynan sóz etildi.
Pikir alysýdy qorytyndylaı kelip Asqar Jumaǵalıev: «Ujymnyń basshysynyń sózinde de, sóıleýshilerdiń sózderinde de tabystardy sanamalap aıtý bolǵan joq. Jalpy, jaǵdaıdan aqparat berilip, alda turǵan mindetter áńgimelendi. Bul jaqsy. Munyń ózi «Egemen Qazaqstannyń» ujymy alǵa qoıylǵan mindetterdiń jaýaptylyǵyn tolyq túsinetinin, sergek sezinetinin bildiredi. Men gazet basshysynyń basylym tujyrymdamasy jónindegi oılarymen kelisemin. «Egemen Qazaqstan» eń aldymen áleýmettik optımızm gazeti bolýy kerek. Onyń betindegi materıaldar halyqtyń Memleket basshysynyń saıasatyn jan-júregimen sezinýine, túsinýine, qoldaýyna kómektesýge tıis. Gazet maqalalary, suhbattary, reportajdary bizdiń elimizdegi jasampazdyq jumysty kórsete otyryp, adamdardyń erteńgi kúnge senimin nyǵaıtýǵa tıis. «Egemen Qazaqstannyń» materıaldary el halqynyń birligine yqpal etýge, qoǵamdyq turaqtylyqty ornyqtyra túsýge tıis. Bul turǵydan gazettiń baǵyty aıqyn» deı kelip, gazet saıtyna qatysty syn pikirlerin de ortaǵa saldy. «Gazet saıtyn jaqsartý úshin sizderde barlyq múmkindikter bar. Redaksııanyń árbir jýrnalısi gazetke de, saıtqa da qatar jumys isteýge tıis. Eń mańyzdysy – kontent. Biz «Egemen Qazaqstannyń» jańa jaǵdaıdaǵy jumysyn gazettiń taralymymen ǵana emes, saıttyń tanymaldylyǵymen de ólsheıtin bolamyz. Muny aıqyn uǵynyńyzdar. Kóp dúnıege jańasha qaraýǵa, tyń turǵydan jumys isteýge týra keledi. Zaman ózgerip ketti. Bizdiń jumys tásilderimiz de ózgerýi kerek. Memlekettik BAQ-tardyń úni ınternet keńistiginde qazirgiden qattyraq shyǵýǵa tıis. Birte-birte qaǵaz túrindegi gazetterdiń yqpaly azaıa beretindigi, ınternet-resýrstardyń róli arta túsetindigi anyq. Bul úderis búkil álemde júrip jatyr. Ol Qazaqstanda da bastaldy. Keıbir gazetterdiń jabylǵanyn, saıtqa aınaldyrylǵanyn ózderińiz kórip otyrsyzdar. Redaksııanyń árbir qyzmetkeriniń ınternet-jýrnalıstıka tásilderin meńgerýi mindetti. Jalpy, buqaralyq aqparat quraldaryna, sonyń ishinde gazetterge qoıylyp otyrǵan jańasha talaptarǵa saı jumys isteý kerek. Búgingi áńgime «Egemen Qazaqstannyń» ujymynda osyndaı umtylys bar ekenin kórsetedi», dedi Asqar Qýanyshuly kezdesýdi qoryta kelip.
Agenttik tóraǵasy aksıonerlik qoǵam ǵımaratyn aralap kórip, gazet shyǵarý prosesimen tanysty, redaksııa ujymyna birlese atqaratyn ortaq iste tabys tiledi.
Jylqybaı JAǴYPARULY,
«Egemen Qazaqstan».
