«Oryn alǵan jaǵdaı beıbit jolmen, kelissózder júrgizý arqyly sheshilýi tıis. Azamattardyń quqyǵyna tikeleı baılanysty bolǵandyqtan, bul másele BUU-nyń kún tártibinde tur.
Reseı men Ýkraına bizge óte jaqyn elder. Reseı - bizdiń eń iri ekonomıkalyq seriktesimiz. Ýkraına da bizdiń jaqyn seriktesimizdiń biri. Sondyqtan bul jaǵdaı beıbit jolmen sheshiledi dep senemiz. Kelissózder barlyq tartylǵan taraptardyń múddelerin eskerýi tıis», dep aıtty Senat tóraǵasy.
Ol kelissózder ústeline otyrýǵa jáne máseleni dıplomatııalyq jolmen sheshýge áli de kesh emes dep sanaıdy.
«Bizdiń ustanymymyzdy Syrtqy ister mınıstri Muhtar Tileýberdi jetkizdi. Búgin jaǵdaıdyń ózgerýine baılanysty SIM málimdemesi bolady dep oılaımyn. Kelissózder barlyq tartylǵan taraptardyń múddelerin eskerýi tıis jáne BUU sheńberindegi kelissózder tıimdi bolar edi», dep atap ótti Senat tóraǵasy.
Aıana Toǵanbek,
EUÝ stýdenti
