Álem saıasatkerleri Qazaqstan basshysynyń qarýsyzdanýǵa qosqan úlesi týraly

Shellı BERKLI, AQSh-tyń kongress-výmeni: – Qazaqstan – AQSh-tyń óte mańyzdy strategııa­­­­lyq áriptesi. 1991 jyly Qazaq­­­stan Prezıdent Nursultan Nazarbaevtyń basshylyǵymen Semeı ıadrolyq polıgonyn jaýyp, álemdegi tórtinshi ıadrolyq arsenaldan óz erkimen bas tartý týraly erlikke para-par sheshim qabyldady. Qazaqstan osy ýaqytqa deıin mundaı batyl da kemeńgerlik qa­dam jasaǵan, álemge qaýipsizdik jolyn kórsetken bir­den-bir memleket bolyp tabylady. Biz jahan­­dyq qaýip­sizdikti qamtamasyz etý jolyndaǵy Qazaq­stan­nyń orasan zor úlesi úshin sheksiz rızamyz. Osy jol­daǵy Qazaqstannyń kóshbasshylyǵy jáne onyń ıadrolyq qarýdy taratpaý salasyndaǵy AQSh-pen joǵa­ry yntymaqtastyǵy  basqa memleketter úshin úlgi bolýǵa tıis.   Robert VEKSLER, kongressmen-demokrat, Djozef PITTS, kongressmen-respýblıkalyq: – Jalpy qyryp-joıý qarýyn tara­týǵa jáne lańkestikke qarsy bizdiń jahandyq kúresimizde Prezıdent Nur­sultan Nazarbaev bastaǵan Qazaqstan halqy men Úkimeti Qurama Shtattardyń berik odaqtasy bolyp tabylady. Qura­ma Shtattardyń halyqaralyq qaýym­dastyqpen ózara is-qımyl sheńbe­rinde Taıaý Shyǵysta demokratııany or­nyq­tyrý jáne Irakty qalpyna kelti­rý máselelerinde Qazaqstanmen baıla­nys­­­ty barynsha nyǵaıtý AQSh-tyń mem­­­lekettik múddelerine tolyq jaýap beredi.   Den DEVISON, Halyqaralyq bilim berý keńesiniń prezıdenti: – Sol sharada Prezıdent Nursultan Nazarbaevtyń tarapyna asa joǵary baǵa berildi, resmı Vashıngtonnan mundaı joǵary baǵa alý óte qıyn. Sondyqtan men osy ýaqytqa deıin mundaı laıyqty joǵary baǵa alǵan sheteldik basshyny aıta almaımyn.   Mıtchell RISE, halyqaralyq sarapshy, AQSh Memlekettik departamenti­­­niń saıasatty josparlaý jónindegi eks-dırektory: – Búginde Qazaqstan planetada turaqtylyqty jáne beıbitshilikti qamtamasyz etý jolynda jáne adamzattyń múddesi úshin erikti túrde ustamdylyq tanytqan memleket retinde álemge úlgi bolyp tabylady.  Qazaqstan ıadrolyq arsenaldan bas tartqan jáne ıadrolyq synaq polıgonyn japqan álemdegi birinshi memleket retinde aıryqsha oryn alady. Bul memlekettiń ıadrolyq qarýdy  taratpaýǵa degen ustanymy ıadrolyq qarýǵa qushtar memleketter úshin yqpaldy jáne izgilikti sabaq bola alady.