Tátti dámge tolas joq

Oblys ortalyǵynda ornalas­qan «Krendel» seriktestiginiń jańa zaman úlgisinde salynǵan saýda oryndarynyń sáýleti erekshe kóz tartady. Bári de shynyly, aınaly, alystan jarqyrap qyzyqtyryp turady. Dál osy jerde túrli-tústi táttiler, dámdi toqashtar, torttar, baýyrsaqtar, samsa, quımaqtar pisiriletinin aýyl-qaladaǵy jurttyń bári biledi. Qaı kúni barsań da tát­ti­ler satyp alýǵa kelgen tutyný­shylarǵa toly. Týǵan kún, ártúrli toılarda, mereke, meıramdarda mindetti túrde «Krendeldiń» táttileri dastarqanda turady. Biz «Krendeldiń» «hanshaıymy» atanǵan Zınaıda Parhomenkomen kezdeskenimizde osydan 20 jyldaı ýaqyt burynǵy myna bir jaıdy esine aldy. Qalalyq ákimdikte jeke kásipkerligin ashýǵa ruqsat berer aldynda Zınaıdaǵa «Siz qandaı maqsatpen táttiler óndirisin josparladyńyz?» degen suraq qoıypty. Halyqaralyq standarttar deńgeıine saı keletin joǵary sapaly ónim daıyndaǵymyz keledi, degen edim sonda, deıdi táttiler hanshaıymy. Búgingi kúni sol maqsat júzege asty. Zınaıda Ahmedovna qazir elimizdegi tanymal kásipker áıelderdiń qataryna qosyldy. Pavlodarlyqtar «Krendelmen» maqtana alady. Sóıtip, táttiler óndirisin iske qosý Parhomenkonyń jeke kásipkerliktegi negizgi stra­tegııalyq maqsatyna aınalady. Zınaıdanyń qyzy Inga anasynyń táttiler óndirisine «Krendel» dep at qoıady. Táttiler jasaýdaǵy kásipkerlik joly úı jaldaýdan bastalady. Keıin bir úıdiń ǵımaraty satyp alyndy. О́zi ar­mandaǵan kondıter sehyn qurý­dy oılastyrdy. Joba-josparlary birtindep iske asty. Armandaǵan maqsatyna oraı, Zınaıda jasaǵan tátti ónimder suranysqa ıe boldy. Kondıter sehyn iske qosqan soń 1999 jyly jasaǵan ónimderiniń ótilimin qamtamasyz etý úshin dúken qurylysyna kirisedi. 2000 jylǵy tamyz aıynda ári kofe ishetin, ári saýda jasaıtyn «Krendel» dúkenin ashty. Tutynýshy suranysynda shek joq. Tipti, meıram kúnderi kondıterlik dúkenderdi táttilerge tapsyrys qabyldamaýǵa májbúr etti. Eger ári qaraı bulaı jalǵasa berse, ıaǵnı «Krendel» tutynýshy suranysyn qanaǵattandyra almasa, onda buny basqa básekelesteri jasaı alady. Sondyqtan, 2003 jyly tamyzda ekinshi kondıter sehy boı kóterdi. Avtodúkender satyp alyndy, qalanyń ár jerinde táttilerdi saýdalaıtyn oryndar ashyldy. Al, 2006 jyly «Krendel» JShS ST ISO 9001 talaptaryna sáıkes sapa menedjmentin ıelendi. Bul tátti ónimder saýdalaýda elimizdiń ishki naryǵyna shyǵýǵa múmkindik berdi. Kelesi 2007 jyly kofe ishetin arnaıy dúken keńeıtilip ishinen VIP-zal jáne balalarǵa arnalǵan alańsha, 2009 jyly «Kabachok 115» atty jańa kafe ashyldy. Satyp alýshylar men tapsyrys berýshiler talabyna oraı sapaly ónimderdi saýdalaýda joǵary iltıpatty qyzmet kórsetiledi. Sapaly ónim­der jasaý úshin kásiporynǵa jańa jabdyqtar, jańa zamanaýı tehnologııalar alyndy. Tehnologııalardy qoldana otyryp joǵary sapaly kondıter jáne unnan daıyndalǵan buıymdar jasalady. – Tek shynaıy damıtyn kásipkerlik qana tabys ákeledi. Kásipkerlerdi qoldaıtyn Elbasy­ǵa rahmet. Byltyrǵy Joldaýynda «Biz áıel zatyna – anaǵa, jarǵa, qyzǵa degen qapysyz qurmetti qaıta oraltýǵa tıispiz. Biz anany qorǵap-qoldaýymyz kerek. Áıeldi qurmettemeý degen bolmaý kerek. Zań, memleket jáne men bizdiń hanymdarymyzdyń jaǵyndamyz. Qazirgi zamandaǵy qazaqstandyq áıel qyzmet isteýge umtylýy kerek. Olardyń bıznes ashyp, ony júrgizýine de qolaıly jaǵdaı jasaǵan abzal» degen edi. О́zińniń jeke súıikti isińdi jasa, kóptiń kóńilinen shyǵý úshin eńbek et, jumysyńdy jasa, kásip ash, jaqsy ómir súr dep otyr ǵoı, – deıdi Zınaıda Ahmedovna. Al, jalpy, kondıter óndirisi – bul áıel adamǵa tán bıznes, sondyqtan, «Krendelde» negizinen 500-deı qyz-kelinshek jumys jasaıdy. Barlyǵynyń da Zınaıdanyń qamqorlyǵy arqasynda turaqty jumystary bar. Zınaıda Parhomenko da óziniń eńbek jolyn 1975 jyly kondıter bolyp bastady. Taǵam daıyndaýshy tehnık-tehnolog mamandyǵy boıynsha tehnıkým bitirdi. Tehnolog, brıgadır, seh bastyǵy boldy. 90-jyldary óndiristen ketip, jeke ózi aldymen prıanıkter men pechene satýmen shuǵyldana bastady. Ol kezde jergilikti óndiris quldyraý kezinde edi. Alǵash ret prıanık óndirý boıynsha jeke óndirisin ashty. Kondıter sehtarynan nebir ǵajaıyp túrli-tústi órnektelgen táttiler qala turǵyndarynyń dastarqanyna barady. Alǵashynda táttiler tek qana qolmen daıyndaldy. «Krendeldiń» tehnolog maman qyz-kelinshekteri kún saıyn jańa torttar, bálishterdiń, pechene, toqashtardyń túrlerin oılap tabady. Tipti, olardyń túrlerin kún saıyn ózgertip, qulpyrtyp otyrady dese de bolar. Búgingi kúnde «Krendel» táttilerdiń 300-deı túrin daıyn­daıdy. Bıznes bir orynda turmaıdy. Sehtarda jańa avtomatty jelilerde neshe túrli ónimder jasalynýda. Bul ónimderdi elimizdiń basqa óńirlerine, Reseı naryǵyna shyǵarýǵa múmkindik berdi. Jyl saıyn kondıterler men aspazdar jaqyn jáne alys shetelderde biliktilikterin arttyrýdan ótedi. Tájirıbe almasý úshin TMD elderinen, Eýropadan, Azııadan, Amerıkadan mamandar shaqyrylady. Bıznestiń biregeı ereksheligi – ónimderdi tabıǵı ıngredıentterden jasap shyǵarý, aıryqsha ónimdi daıyndaý, ıaǵnı tutynýshynyń tańdaýyn qamtamasyz etý. «Krendeldiń» urany: sapa, turaqtylyq, iskerlik. Byltyr Zınaıda jalpy kólemi 760 sharshy metr jańa kondıter sehyn iske qosty. Bıyl jalpy kólemi 500 sharshy metr kondıter buıymdary dúkenin jáne 400 oryndyq jańa meıramhana ashylady. Ujymdaǵy árbir qyz-kelinshek óz isiniń bilgiri. 2011 jyly «Krendel» JShS elimizde ótetin «Paryz» baıqaýynyń «Eń úzdik ujymdyq shart» nomınasııasynyń jeńimpazy atandy. Seriktestik óz qyzmetkerleri, kondıter qyz-kelinshekterimen qosa, turmysy tómen azamattarǵa, «Qyzyl krestke», «Zaǵıptar» qoǵamyna, «Samal» balalardy ońaltý ortalyǵyna demeýshilik kórsetip keledi. Áleýmettik máselelerdi sheshý, jetimderge, múgedekterge, qart adamdarǵa kómek kórsetý maqsatynda oblystaǵy «Desenta» qoǵamdyq qorymen shart jasaldy. О́ndiriske múgedek jandar jumysqa ornalastyryldy. Sonymen qatar, «Krendel» JShS jyl saıyn qaladaǵy № 2 mektep-ınternatqa jáne otbasylyq úlgidegi balalar úıine materıaldyq demeýshilik jasaıdy. Farıda BYQAI, «Egemen Qazaqstan». PAVLODAR. Sýretti túsirgen Valerıı BÝGAEV.