JAǴYMDY JAŃALYQ JIGERIMIZDI JANYDY
Dollar baǵamy óskende áýelgi jańalyqty Elbasynan kútken edik. Úmitimiz aqtaldy. Aǵymdaǵy jyldyń 14 aqpanynda Úkimettiń keńeıtilgen otyrysynda Memleket basshysy aılyq jalaqyny, zeınetaqyny, járdemaqyny kóterý jóninde Úkimetke shuǵyl tapsyrma berdi. Mine, soǵan oraı 1 sáýirden bastap aılyq jalaqymyzdy 10 paıyzǵa ósirý úshin qaıta esepteý jumysy aıaqtalyp, qujattar zańdastyryldy. Qudaı buıyrtsa, aldaǵy aıda buıyrǵan qarajat qolymyzǵa tıip, bala-shaǵa nápaqasyna jaratamyz. Jalpy, bizdiń ujymda 59 adam qyzmet isteıdi. Tańdap alǵan mamandyǵymyzǵa berilgendigimiz sol – ýaqytpen sanasýdy bilmeımiz. Belgilengen kún tártibine sáıkes keletin oqyrmandarymyzdyń kóńilderine esh kirbiń túsirmeı tól mindetimizge saı qyzmet kórsetýge ábden daǵdylanyp alǵanbyz. Sonymen qatar, kitap álemine qatysty oblystyq, qalalyq, aýdandyq deńgeılerde qandaı da bir shara ótkizilse bel ortasynda júrýimiz de bir qajettilik bolyp sanalady. Shyny kerek, kitaphanashy bolý, jalpy uzaqty kún ǵımarat sórelerinde sap túzegen kitaptyń arasynda júrý ekiniń biriniń qolynan kele bermeıdi. Ujymymyzǵa kezdeısoq kelgen jandar bolsa ózderi-aq yǵysyp ketedi. Sondyqtan zańnama sheńberinde kitap kókjıeginde júrgen jandardyń da aılyq jalaqylarynyń 10 paıyzǵa ósýi ádilettilik, eńbektiń eskerilýi dep sanaımyn. Álbette, Elbasy tarapynan kórsetilgen kóp ádildiktiń biri de biregeıi deıtinimiz osynaý jaǵymdy jańalyq jigerimizdi janyǵanyn el gazeti «Egemen Qazaqstan» arqyly aıtqymyz keledi.О́ıtkeni, biz atalǵan gazettiń qatardaǵy oqyrmanynyń biri ǵana emes, elimizdegi bas basylymnyń jyldar boıǵy tigindilerin saqtap, oqyrman qajettiligin ótep júrgen janashyry bolyp tabylamyz. Maqpal NURǴALIEVA, S. Seıfýllın atyndaǵy Almaty oblystyq ámbebap kitaphanasynyń dırektory. TALDYQORǴAN.EŃBEGIMIZ BAǴALANA BERMEK
Qazaqstan qoǵamynyń artyqshylyǵy – adamdar ómiriniń sapasy men tirshilik jaǵdaıyn jaqsartýǵa únemi basymdyq berýinde. Muny biz Elbasy N.Nazarbaevtyń jyl saıynǵy joldaýlaryndaǵy sharapattardyń kóp uzamaı ıgilikke aınalýynan baıqap otyrmyz. Elbasymyz azamattyq qyzmetshilerdiń jalaqysyn, zeınetaqylar men ótemaqylardyń deńgeıin kóterý jóninde Úkimettiń aqpan aıyndaǵy keńeıtilgen májilisinde taǵy da tapsyrma berdi. Bul ózge áriptesterimiz sııaqty, dárigerler qyzmetine berilgen baǵa dep bilemiz. Sonymen qatar, bul kásibı jumysymyzda tabysqa qol jetkizýimizdi qalaıtyn jaýapkershilik ekendigin túsinemiz. Qazirgi tańda densaýlyq saqtaý salasynda zamanalyq jobalar júzege asyrylýda. Aýrýhanamyzda angıografııalyq jańa jabdyqtarmen qamtamasyz etilgen bólimshe ashyldy. Biz 2008 jyly alǵash ret aortokoronarly shýnttaý otasyn jasadyq. Munda Astanadaǵy ataqty kardıohırýrg, Qazaqstannyń Eńbek Eri Iýrıı Pıa men Kaýnas qalasynan kelgen professor Rımantas Benetıstiń kómegi orasan boldy. Shetelderde bilimi men biliktiligin jetildirgen bólimshe mamandary qazir sátti qadamdar jasap, kóptegen azamattyń janyn saqtap qaldy. Muny aıtyp otyrǵan sebebim, bizdiń qıyn da qajetti qyzmetimizge memleket tarapynan qoldaý kórsetilip otyratynyn jetkizý. Jalaqymyz 1 sáýirden bastap 10 paıyzǵa kóteriletin boldy. Bul medısına qyzmetkerleriniń bedelin de kóteredi. Jurtshylyqqa málim, qazir salalyq mamandar jetispeıdi. Úkimettiń osy qadamy arqyly jastardyń mamandyqqa qushtarlyǵy artyp, olardyń aýyldyq jerlerde eńbektenýine qulshynys paıda bolatyny anyq. Olar mundaı qamqorlyqtyń aldaǵy kezde de jalǵasyn tabatynyn biledi. Eńbektiń zeınetin kórgen jaqsy. Bizdiń basty qýanyshymyz – naýqastardyń syrqattan aıyǵyp, qoǵamǵa paıdaly jumysyn jalǵastyrýynda. Memleket bul turǵyda alańsyz jumys isteýimizge jaǵdaılar týdyrýmen qatar, medısına ǵylymyn jetildirý, tıimdi tehnologııalardy engizý boıynsha nysanaly baǵdarlamalardy qabyldap otyr. Materıaldyq qoldaý da kóńilden shyǵady. Osynyń ózi bizdiń biliktiligimizdi únemi jetildirýge, qoǵamdyq salamattylyqty arttyrýǵa jigerlendiredi. Nurlan MINAIDAROV, Aqmola oblystyq aýrýhanasy kardıohırýrgııa bólimshesiniń meńgerýshisi. KО́KShETAÝ.BARShAMYZDYŃ ABYROILY MINDETIMIZ
Qazaqstan Respýblıkasynyń Prezıdenti Nursultan Nazarbaev «Qazaqstan joly – 2050: bir maqsat, bir múdde, bir bolashaq» atty Qazaqstan halqyna Joldaýy elimizdiń damyǵan 30 memlekettiń qataryna ený jolyndaǵy uzaq merzimdi basymdyqtaryn kezeń-kezeńimen júzege asyrý joldaryn, tetikterin belgilep berdi. Elbasy óz Joldaýynda bilim, ǵylym, ekonomıka, tehnologııa, bıznes, halyqtyń ál-aýqatyn arttyrýǵa baǵyttalǵan túıindi maqsattardy aıqyndap, «Biz úshin bolashaǵymyzǵa baǵdar etetin, ultty uıystyryp, uly maqsattarǵa jeteleıtin ıdeıa bar. Ata-babalarymyzdyń uly armany, ultymyzdyń uly baǵdary, qazaqstandyq ortaq shańyraǵymyzdyń ulttyq ıdeıasy «Nur Otan» partııasynyń XV sezinde qabyldanǵan «Nur Otan. Nurly bolashaq jolynda» Doktrınasynda kórinis tapqan. Ol qazaqstandyq patrıotızmniń ıdeıalyq negizi – «el birligi», «halyqtyń yntymaǵy», «ulttyq qaýipsizdik», «berekeli otbasy», «tól mádenıet», «tamyry tereń rýhanııat», «jalpyǵa ortaq eńbek qoǵamy» syndy jalpyulttyq qundylyqtarǵa sáıkestigimen mańyzdy. «Qazaqstan-2050» Strategııasyn júzege asyrý – barshamyz úshin abyroıly mindet. Qadısha OSPANOVA, «Nur Otan» partııasy Qaraǵandy oblystyq fılıaly tóraǵasynyń birinshi orynbasary, Qaraǵandy oblystyq máslıhatynyń depýtaty.
