Qostanaı qalasynda «Analar úıi» ashyldy

Qostanaı qalasynda «Analar úıi» dep atalatyn jańa meken ashylyp, iske kiristi. Bul týraly alau.kz habarlady. «Jarynan qoldaý tappaı, tyǵyryqqa tirelgen jalǵyz basty jas analar 1,5 jyl boıy osy úıdi panalaı alady», - delingen habarlamada. Meıirim shashqan meken qıyndyq kórgenderge qoldaýyn kórsetip, teris jolǵa túsken áıelder bolsa, jarqyn ómirge jeteleıdi. Úsh qabatty kottedjde ana men balaǵa qajetti jaǵdaıdyń barlyǵy jasalǵan. «Munda qazir 7 ana sábıimen turyp jatyr. Solardyń biri – Jansaıa Qasymbekova. Jas bosanǵan anany jubaıy túsinbedi. Otbasynyń berekesi ketken soń, Ernazar esimdi 5 aılyq ulyn qushaqtap, osynda keldi. Buǵan deıin balalar úıinde esepshi bolyp istegen ol sábıi aıaǵynan turǵansha, pana tapqanyna qýanady», - dep jazady portal. Munda bári úıdegideı ekendigi baıqalady. Kıer kıim, isher as tegin. Analarmen aptasyna 2 ret psıholog maman pikirlesedi. Taǵdyrynan teperish kórgen áıelder qoǵamnan shettemeýi tıis. «Analar úıi» olardyń analyq meıirimin oıatady.Qazir Qazaqstandaǵy «Analar úıiniń» sany 12-ge jetken. Mundaı úıler keleshekte elimizdiń barlyq iri qalalarynda ashylmaq. Igi istiń basynda turǵan izgi jandardyń endigi maqsaty jas analarǵa tegin kásiptik oqý kýrstaryn uıymdastyryp, qoǵamda óz orynyn tabýǵa yqpal jasaý bolyp tabylady. Sultan Bozaıǵyr. Derekkóz: alau.kz. Foto: alau.kz.