Aqtóbede oralmandardan aqsha alǵan sheneýnik sottalady

Aqtóbede oralmandardan aqsha alǵan oblystyq kóshi-qon polısııasy basqarmasynyń bastyǵy sottalady. Bul týraly «Moı gorod» portaly habarlady. «Eńbek jáne áleýmettik qorǵaý mınıstrligi oralmandarǵa turǵyn úı alý men bir rettik járdem úshin bólingen 45 mln. teńgeni qaıtarýdy talap etti», - delingen habarlamada. Alaıda, Mońǵolııada týǵan azammattardyń pasporty men týý týraly kýáligin qoldan jasaǵan polısııa maıorynan, podpolkovnıginen jáne úsh ajamattyq tulǵadan turatyn top bul somany alýdyń oraıyn keltirgen. Tergeýdiń pikirinshe, oıdan shyǵarylǵan 26 kóp balaly otbasy paıda bolǵan. Olarda 230-ǵa jýyq jan bar dep eseptelgen. Sot qyzmetterine salǵyrttyqtary úshin kóshi-qon polısııasynyń burynǵy bastyǵy Arman Qurmetov pen onyń orynbasary Qadyrbek Amanbaevty jaýapqa tartty. Sotta aıyptaýlar oqylǵannan keıin sottalýshylardyń ekeýi de óz kinálaryn moıyndamaıtyndaryn aıtty. Taǵylǵan aıyptarǵa qaramastan, olar ózderin óte erkin ustaýda. Tipti bir-birine qarap kúlimdep te qoıady. Qazir jeti sottalýshynyń ekeýi ǵana ýaqytsha oqshaýlaǵyshqa qamalǵan. Qalǵan beseýi úılerinde otyr. Qurysh Nurymbet. Derekóz: Moı gorod. Foto: money.gazeta.kz.