Daǵdarysqa qarsy dúnıejúzilik jospar

Budan buryn gazetimizde haba­r­laǵanymyzdaı, álemdik daǵdarysqa qarsy dúnıejúzilik jospar ázirleý maqsatynda  BUU qoldaýymen 2014 jylǵy 20-23 mamyr aralyǵynda  VII Astana ekonomıkalyq forýmy sheń­berinde II Daǵdarysqa qarsy dúnıe­júzilik konferensııa ótkiziledi. Jaqynda G-Global aqparattyq-kommýnıkatıvtik alańynda «BUU múshe memleketterine arnalǵan Álemdik qarjylyq-ekonomıkalyq daǵdarystyń uzaq merzimdi saldarynyń aldyn alý josparynyń jobasy» atty taqyrypta onlaın-konferensııa ótkizilip, moderator retinde Bretton-Výdsty jańartý jónindegi komıtettiń atqarýshy dırektory Mark Ýzan qatysty. Onlaın-konferensııa barysynda BUU múshe memleketterine arnalǵan Álemdik qarjylyq-ekonomıkalyq daǵdarystyń uzaq merzimdi saldarynyń aldyn alý josparynyń jobasyn talqylaýǵa halyqaralyq jáne qazaqstandyq sarapshylar qatysty. Demokratııalyq ustanymdarǵa negizdelgen jospar qarjylyq-eko­nomıkalyq daǵdarystan shy­ǵý­dyń tıimdi joldaryn tabýǵa, sonymen qatar, bolashaq ekono­mı­kalyq quldyraýlardyń aldyn alýǵa, uzaq merzimdi teń­gerim­delgen ekonomıkalyq ósýdi qamtamasyz etýge baǵyt­tal­ǵan. Búgingi kúni G-Global aqpa­rat­tyq-kommýnıkatıvtik ala­ńy BUU-nyń Álemdik daǵ­darysqa qarsy josparynyń jobasy úshin daǵdarysqa qarsy usynystardy óńdeıtin naqty quralǵa aınaldy, 2013 jyldyń 1 shildesinen bastap jospar belsendi túrde talqylanýda. Osy ýaqyt aralyǵynda G-Global portalyn paıdalanýshylar, olardyń ishinde, halyqaralyq uıymdar men qarjy ınstıtýttarynyń sarapshylary, ÚEU, isker jáne ǵylymı ortalyqtardyń ókilderi, saıası jáne qoǵam qaıratkerleri 13 000-nan astam baıandama men zertteý jumystaryn, 45 000 saraptamalyq sholý men túsiniktemeler, sondaı-aq, jospar jobasyn tıimdi qalyp­tastyrý úshin 300 beıne-konferensııa ótkizdi. 2014 jyldyń 19 naý­ryzy kúni ótkizilgen onlaın-konferensııada jospar jobasyn talqylaýdyń mańyzdy is-sharalarynyń biri bolyp tabyldy. Álemdik sarapshylar qo­ǵam­dastyǵynyń belsendi kó­mek kórsetýiniń arqasynda 2014 jyldyń 19 naýryzy kúni jos­par­dyń alǵashqy jobasynyń jáne álemdik sarapshylar qoǵamdas­tyǵynyń pikir saıysynyń negi­zinde aqparattyq-kom­mý­nıka­tıvtik tuǵyrnamada jos­par­dyń shoǵyrlandyrylǵan jo­ba­sy ázirlendi. Bul jetekshi sarap­shylardyń tıimdi jáne jahandyq úılestirilgen saıasat pen álemdik qarjy-ekonomıkalyq arhıtektýrany reformalaýǵa baǵyttalǵan úılesimdi, birikken jumystarynyń nátıjesi boldy. G-Global aqparattyq-kom­mý­nıkatıvtik alańynda onlaın rejimde jospardyń jobasyn ázirleýdiń belsendi úderisi jú­rip jatyr. Oǵan kún saıyn ha­lyq­aralyq uıymdardyń, ǵylymı-zertteý ortalyqtary men ınstı­týt­tardyń ókilderi, sonymen qa­tar, BUU múshe memleketteriniń ókil­deri, bedeldi saıasatkerler, sarap­shylar jáne úkimettik emes uıym­dardyń ókilderi qatysady. Jobany qalyptastyrýǵa qomaqty úles qosqandardyń biri – Bretton-Výds­ty jańǵyrtý komıtetiniń je­tek­shisi Mark Ýzan bolyp taby­lady. BUU múshe memleketterine arnalǵan jospardyń jobasyn Astana qalasynda 2014 jyldyń 21-23 mamyr aralyǵynda BUU Bas Assambleıasynyń qoldaýymen ótkiziletin II Daǵdarysqa qarsy dúnıejúzilik konferensııa qory­tyndysy boıynsha qabyldaý jos­parlanýda. Jylqybaı JAǴYPARULY, «Egemen Qazaqstan».