Keshe Ortalyq kommýnıkasııalar qyzmetinde Elbasy Nursultan Nazarbaevtyń «Qazaqstan joly – 2050: bir maqsat, bir múdde, bir bolashaq» atty Joldaýynan týyndaıtyn mindetterge baılanysty «Astana EKSPO-2017» UK» AQ basqarma tóraǵasy Talǵat Ermegııaev jýrnalıstermen baspasóz máslıhatyn ótkizdi.
О́z sózinde Talǵat Ermegııaev Elbasy Joldaýynda jáne «Qazaqstan-2050» Strategııasynda atap kórsetilgen Qazaqstannyń álemdegi damyǵan 30 eldiń qataryna kirýi, el ekonomıkasynyń údemeli damýy, IJО́-ni ósirý jáne oǵan jumsalatyn energııa shyǵynyn azaıtý, ındýstrııalandyrý jáne ınnovasııa sııaqty mańyzdy mindetterdi oryndaý máselelerine toqtaldy. «Osy atap kórsetilgen keleli mindetterdiń bizdiń kompanııamyzǵa da tikeleı qatysy bar. Sebebi, «Astan EKSPO-2017» UK» AQ-tyń negizgi mindeti – elimizge ınnovasııalyq jobalar arqyly ınvestısııa tartý, básekege qabiletti ekonomıka qurýǵa barynsha úles qosý», dedi ol óz sózinde.
Memleket basshysynyń Joldaýynda «EKSPO-2017» – táýelsiz Qazaqstannyń tarıhyndaǵy eń iri halyqaralyq shara. Salynǵan árbir ǵımarat ózimizde qalady jáne ınnovasııalyq ıdeıalardy elimiz ben álem ıgiligine jaratý úshin qyzmet etetin bolady», dep atap kórsetilgen. Sondyqtan júzden astam memleketten qonaqtar keletin «Astana EKSPO-2017» Búkilálemdik kórmesin joǵary deńgeıde ótkizý jaýapkershiligi zor da abyroıly mindet. Kórme qalashyǵyndaǵy qurylys jumystary jaqynda bastalǵaly otyr. Bul elimizdiń qurylys ındýstrııasyn jańa bıikke kóteretin shyn mánindegi ǵasyr qurylysy bolmaq.
Kompanııa basshysy alda turǵan osy bir keleli mindetterdi tilge tıek ete kelip, EKSPO qalashyǵynyń jalpy aýdany 173,4 gektar bolsa, onyń 148 gektaryna turǵyn úıler, bilim berý jáne densaýlyq saqtaý mekemeleri, áleýmettik mádenı nysandar, saýda jáne oıyn-saýyq ortalyqtary salynatyndyǵyn, al 25 gektar aýmaq naqty kórme keshenderiniń ıeligine beriletindigin aıtty. Infraqurylymy derbes salynatyn EKSPO qalashyǵynyń arqasynda Astana «aqyldy» qalaǵa aınalatyn bolady. «Ol óz energııasyn ózi óndirip alýǵa qabiletti álemdegi alǵashqy qala bolady. Kórme aýmaǵy tek qana jańǵyrtylǵan energııa kózderinen alynǵan qýatpen jumys isteıdi. EKSPO qalashyǵynyń taǵy bir jańalyǵy – óndirgen qýatyn kez kelgen baǵytqa bere alatyn Smart Grid aqyldy energotaratý júıesi iske qosylmaq. Smart Grid júıesi ár ǵımarattyń ózi óndirgen energııasyn ózi paıdalanyp qana qoımaı, artyǵyn satyp jibere alatyn múmkindik týǵyzady. Qyzyqty jańalyqtyń biri – «aqyldy qoqys» atty vakýýmdyq júıe. Onyń artyqshylyǵy – ár ǵımarattan shyqqan qoqysty júıe ózi soryp alyp, tikeleı zaýytqa óńdeýge jiberedi. Ol zaýyt paıdalanylǵan tehnıkalyq sýdy da tazalap, qaıtadan qubyrǵa joldaı alady. Budan bólek EKSPO qalashyǵynda óndirilgen energııany esh qınalyssyz saqtaı alatyn qoıma paıda bolmaq.
Dál qazir bizdiń kompanııa mańyzdy sharanyń qarsańynda tur. 2014 jyldyń maýsym aıynda Halyqaralyq kórmeler bıýrosy (HKB) bas assambleıasynda «Astana EKSPO-2017» mamandandyrylǵan kórmesiniń basty qujaty – tirkelý qujattamasy talqylanatyn bolady. Bárimiz úshin mańyzdy bul shara sátti ótedi dep senemiz», dedi sóziniń qorytyndysynda «Astana EKSPO-2017» UK» AQ tóraǵasy Talǵat Ermegııaev.
Tóraǵanyń brıfıng barysynda jýrnalısterdiń qoıǵan suraqtaryna jaýap bere kelip, kórme qalashyǵyna bólingen 174 gektar qurylys alańyna 1 mıllıard AQSh dollarynan astam ınvestısııa tartylatynyn aıtty. EKSPO qalashyǵynyń qurylys alańynda jumys isteıtin ınvestorlar úshin aıtarlyqtaı salyq jeńildikteri jasalatyn bolady. Taǵy bir aıta ketetin másele, kórmege daıyndyq barysynda EKSPO qalashyǵyndaǵy qurylys jáne basqa da salalarda 20 myńnan astam jańa jumys orny ashylatyn bolady.
Jylqybaı JAǴYPARULY,
«Egemen Qazaqstan».
