Jýrnalısterdiń halyqaralyq sammıti

2014 jyldyń 20-23 mamyry ara­lyǵynda Qazaqstanda tuńǵysh ret  Ha­lyqaralyq «G-Global» jýrnalıs­tıkasy sammıti uıymdastyrylady. Aıtýly shara VII Astana ekonomıkalyq forýmy aıasynda ótedi. Sammıt barysynda álemdik daǵdarys jaǵdaıyndaǵy jýrnalıstıka róli, medıa salasyndaǵy ınnovasııalar men tehnologııalar talqylanyp, ekonomıkalyq kórsetkishter men aqparatty taratýdyń jańa tásilderindegi áreket etýshi quraldar jaıly tilge tıek etiledi. Bul sharany uıymdastyrýshylar – Qazaqstan Respýblıkasy Úkimeti, «G-Global» kommýnıkatıvtik platformasy, «Ǵalymdardyń Eýrazııalyq Ekonomıkalyq Klýby» qaýym­dastyǵy jáne «Success K» medıa-agenttik ókilderiniń aıtýynsha, sammıtke tanymal medıa-tulǵalar, bloggerler, halyqaralyq medıa-holdıngter, tájirıbeli ǵylymı qaıratkerler qatysady. Ashyq únqatysý alańynda ekonomıka men qarjy taqyryptaryna baǵyttalǵan zamanaýı jýrnalıstıkadaǵy ózekti máselelerdi talqylap, mańyzdy trendter men daǵdarysqa qarsy aqparattyq saıasat aǵyndary jaı­ly pikirtalastar ótkizý jospar­lanýda. Halyqaralyq jýrnalıs­tı­ka sammıtiniń mańyzdy shara­larynyń biri álemdik jýrna­lıs­tıkaǵa qosqan úlesi úshin «Ekonomıkalyq máselelerdi nası­hattaýdaǵy jańa medıa-tehnologııalar men ınnovasııalyq quraldar» atty «G-Global» syılyǵy bolady. Syılyqty alýǵa sheteldik jáne otandyq medıa-holdıngter, birlestikter, medıa-tehnologııa ázirleýshiler, IT-kompa­nııalar jáne táýelsiz jýrnalıster ózderin usyna alady. Baıqaý qorytyndysy boıynsha jańa tehnologııalar, quraldar jáne baǵdarlamalar arqyly ekonomıkalyq aqparatty erekshe tarata bilgen, álemdik qo­ǵam­dastyqtaǵy ekonomıkalyq máselelerdi aýdıtorııa ońaı qabyldaı alatyndaı etip jetkizip, olardyń qyzyǵýshylyǵyn týdyra alatyn eń úzdik jýrnalıstik joba anyqtalady. Jeńimpaz VII Astana ekonomıkalyq forýmy aıasynda ótkiziletin marapattaý keshinde 15 000 AQSh dollarymen marapattalady. Sonymen qatar, jahandyq jýrnalıstıka salasynda aqpa­ratpen almasyp, sońǵy tehnologııalardy kórsetý úshin sammıt aıasynda Halyqaralyq «Sheksiz aqparat» medıa-kórmesi (IMX) ótkiziledi. Kórme tanymal medıa-holdıngterdiń, ázirleýshilerdiń, tájirıbeleri bar, óz jetistikterin BAQ-qa kórsetýge daıyn ındýstrııanyń ǵylymı qaıratkerleriniń, ekonomıka jýrnalıstıkasyndaǵy aqparattyq bıznes pen bilimdi qurýǵa arnalǵan daǵdylardyń, medıa quraldar men tehnolo­gııalardyń kezdesetin ornyna aınalatyny sózsiz. Jylqybaı JAǴYPARULY, «Egemen Qazaqstan».