Tatýlyqtyń mekeni

Qazaqstan – ha­­­­­lyqtar dosty­ǵynyń mekeni. Bul – qur sóz, bos pafos ne jaı ánsheıin maqtaý emes. 130-dan astam ult pen ulystyń ókili tatý-tátti tirshilik keship, beıbit ómir súrip jatyr. Tili, dini, dili, salt-dástúri men ádet-ǵurpy saqtalyp, onyń ósip-órkendeýine jaǵdaı jasalyp otyr. Munyń bári eń aldymen Elbasy Nursultan Nazarbaevtyń syndarly saıa­saty men kóregen kóshbasshylyǵynyń arqasynda iske asqan dúnıe. Táýelsizdiktiń alǵashqy jyldarynda elimizde Qazaqstan halqy Assambleıasy quryldy. Bul álemniń eshbir memleketinde joq qurylym edi. Alǵashynda mundaı ınstıtýttyń qurylǵanyna kúmánmen qaraǵandar boldy. Degenmen, ýaqyt-aǵzam Qazaqstan halqy Assambleıasynyń ulttar arasyndaǵy tatýlyq pen dostyqty saqtaýda taptyrmas qural ekenine kóz jetkizdi. Búginde álemniń keıbir memleketteri Qazaqstannyń bastamasymen ómirge kelip, júzege asqan osy ádisti óz elderinde paıdalanyp jatyr. Osynyń ózinen-aq bizdiń eldiń durys baǵytta damyp kele jatqanyn baıqaýǵa bolady. Osy sáýir aıynda Qazaqstan halqy Assambleıasynyń kezekti HHI sessııasy ótedi. Rasy kerek, ulttar ara­syndaǵy emes, qarapaıym adamdar ortasynda da kelisim, yntymaqtastyq mádenıeti bolýy kerek. Bir-biriniń betinen alyp, jaǵasyna jarmaspaı, beıbit túrde dıalog qurýdyń ózi úlken mádenıettilikti qajet etedi. Qoǵamdaǵy árbir pikirdi tyńdap, jol-joralǵysyna tózimdilik tanytyp, ustanymyna toleranttylyqpen qaraý da adamdyqtyń bir kórinisi. Shúkir deıik, bul turǵyda Qazaqstan halqynyń arasynda túsinistik bar. Osy jolymyzdan aınymaı, salǵan súrleýimizdi dańǵylǵa aınaldyrý basty mindetterimizdiń biri. Kóregen kóshbasshymyz, birligi jarasqan halqymyz barda alaýyzdyqtyń aýyly bizden alys bolatynyna senemin. Sondyqtan Qazaqstan atty ortaq úıimizdiń shańyraǵyn shaıqaltpaý úshin árbir ulttyń ókili aıanbaı jumys isteı beredi dep oılaımyn. Galııa GIZATÝLLINA, Qyzylorda oblystyq tatar etnomádenı birlestiginiń tóraıymy. QYZYLORDA.