JAŃA MEKTEPTE 500 OQÝShY OQIDY

Oblys ortalyǵynyń irgesin­degi Pavlodar aýylyndaǵy №40 jalpy bilim beretin jańa orta mektep qalanyń soltústik bóli­ginde ornalasqan. Onda búginde 500 bala oqıdy. Aýylda Qasym qajy meshiti salyndy. Jergilikti turǵyndar jańa mekteptiń boı kóterýine úles qosqan Parlament Májilisiniń depýtaty Tıto Syz­dyqovqa rahmet aıtýda. Daǵdarys ýaqytyna qaramaı, ótken jyly ashylǵan jańa mektepke bul kúnderi aýyldyqtar, ata-analar kól-kósir rıza. Qalaǵa jaqyn aýyl bolǵan­dyqtan, jan-jaqtan kóship kelýshiler de kóp. Aýyl ákimi Irına Fogeldiń aıtýynsha, sońǵy bir-eki jylda eldi meken­de 200-deı sábı ómirge kelipti. Bul – jańa mektepke keletin alǵashqy birinshi synyptyqtar qataryn kóbeıtedi degen sóz. Byltyr qala ákimi Baqytjan Jolamanov mektepke “Jıgýlı” jeńil avto­kóligin syıǵa tartty. Respýblı­kalyq bıýdjet esebinen salynǵan bul mektepke 738 mıl­lıon teńge qarjy jumsaldy. Jańa mektepte oqýshylarǵa sapaly bilim, sanaly tárbıe berý úshin qazirgi kúni barlyq jaǵdaı jasalǵan, arnaıy jabdyqtalǵan pán kabınetteri keń de jaryq, kompıýter sy­nyptary, úlken ashana, sport zaly bar. Farıda BYQAI, PAVLODAR.