Salyq kodeksiniń 475-babynyń 4-tarmaǵyna esepke alý-baqylaý markalarymen tańbalanatyn alkogol ónimine (tolysylǵan sharapty jáne syra qaınatý ónimderinen basqa) aksız tóleý merzimderi boıynsha ózgerister engizildi.
Osyǵan baılanysty, alkogol ónimin óndirýshiler esepke alý-baqylaý markalarymen tańbalanatyn tolysylǵan sharapty jáne syra qaınatý ónimin qospaǵanda, alkogol ónimine aksız salyǵyn óz tańdaýy boıynsha myna merzimderdiń birinde tóleýi qajet:
- esepke alý-baqylaý tańbalaryn alǵanǵa deıin;
- Salyq kodeksiniń 172-babyna sáıkes esepke alý-baqylaý markalaryn nysanaly paıdalaný týraly mindetteme usynylǵan jaǵdaıda aksızdeletin taýarlardy tıep-jóneltý (berý) kúni.
Sondaı-aq Salyq kodeksiniń 172-babynyń 7-14-tarmaqtaryna engizilgen ózgeristege sáıkes alkogol ónimin óndirýdi júzege asyratyn tulǵa, esepke alý-baqylaý markalaryn maqsatty paıdalaný týraly mindettemelerdi jáne esepti usynady.
Budan basqa, Salyq kodeksiniń 463-babynyń 4-tarmaǵyna ózgerister men tolyqtyrýlar engizildi, onda alkogol ónimi túrleriniń ózgerýi, atap aıtqanda, «sharap materıaly» uǵymy «tolysylǵan sharap», «syra jáne syra sýsyny» uǵymy «syra qaınatý ónimimen» aýystyryldy.
Joǵaryda kórsetilgen ózgeristerdi iske asyrý maqsatynda «Aksızdik jáne esepke alý-baqylaý markalaryn alý, esepke alý, saqtaý, berý jáne ımporttaýshylardyń Qazaqstan Respýblıkasyna alkogol ónimin ımporttaý kezinde esepke alý-baqylaý markalaryn nysanaly paıdalaný týraly mindettemesin, esebin usyný, sondaı-aq osyndaı mindettemeni esepke alý qaǵıdalaryn jáne qamtamasyz etý mólsherin bekitý týraly» Qazaqstan Respýblıkasy Qarjy mınıstriniń 2018 jylǵy 8 aqpandaǵy № 144 buıryǵyna ózgerister engizý týraly» Qazaqstan Respýblıkasy Qarjy mınıstri buıryǵynyń jobasy ázirlendi.
Qazirgi ýaqytta buıryq jobasy memlekettik organdarmen kelisýde. Esepke alý-baqylaý markalaryn maqsatty paıdalaný týraly mindettemelerdi ózgertilgen qaǵıdalar kúshine engen soń usynýǵa bolady.
