Solardyń biri – jabylyp qalǵan oblystardy qaıta ashý. Bul máseleni sheshýdi halqymyz uzaq jyldar qozǵap júrdi. Ol mine, sheshimin tapty. Ashylǵaly otyrǵan oblystarǵa jáne onyń ortalyqtaryna tarıhı ataý berý týraly aıtqan Prezıdent pikiri halqymyzdy rýhtandyrdy jáne teńdesi joq jańalyq boldy.
Taldyqorǵannan alys eldi mekenderge, Semeı men Jezqazǵan óńiriniń turǵyndarynyń oblys ortalyqtaryna baryp qaıtýy qıyndap ketti. Alys eldi mekenderde jumyssyzdyq paıda bola bastady. Bul tarıhı sheshim. Bizder osy jumystyń baıandy bolýyna bir kisideı atsalysýymyz kerek. Sondaı-aq Joldaýda «Kúshti Prezıdent, yqpaldy Parlament, esep beretin Úkimet» qaǵıdatyn basshylyqqa alamyz, dedi Prezıdent.
Sonymen qatar Joldaýda aıtylǵan baǵyttardy iske asyrý úshin Konstıtýsııaǵa 30-dan astam ózgeris engiziletinin jáne 20-ǵa tarta zańdar qabyldaý kerektigin atap ótti.
Memleket basshysy Qazaqstanda jańa Konstıtýsııalyq sot qurýdy usynyp, Adam quqyqtary jónindegi ýákil qazirgi sottardyń sheshimimen kelispegen jaǵdaıda, osy sotqa júginýge bolatynyn aıtty.
Q.Toqaev eldi basqaryp otyrǵan Prezıdent partııaǵa múshe bolmaýy kerek dep, zańǵa tıisti ózgerister engizý kerek ekenin de atap ótti. «Qazir bári derlik Prezıdentke baǵynǵan jáne bul teris nárse. Birtindep mundaı tájirıbeden ketý kerek. Men úshin memlekettiń uzaqmerzimdi múddesi bıliktegi qosymsha bir ústemdikten artyq. Sondyqtan, Prezıdent saılanǵan merzimi ishinde partııaǵa múshe bolmasyn degen ózgeris engizýdi usynamyn. Bul saıası básekelestikti kúsheıtip, barlyq partııalardyń damýyna jaǵdaı jasaıdy», dedi Q.Toqaev.
Sonymen qatar Prezıdent zańǵa tıisti ózgeris engize otyryp, endi ákimder men olardyń orynbasarlary partııa fılıaldaryn basqarýdy toqtatýy kerek dedi. Endi ákimderden bólek Esep komıtetiniń tóraǵasy, Ortalyq saılaý komıssııasynyń tóraǵasy sııaqty óte mańyzdy qyzmet atqaratyn adamdar da partııaǵa múshe bolmaıdy.
Ábdáli NURALIEV,
senator
