Tek saıası reforma ǵana emes, Prezıdent Toqaevtyń jyl basynda aıtqan áleýmettik-ekonomıkalyq reformalardy tolyqtyrǵanyn kórdik. Bul – óte quptarlyq qadam. Sebebi áleýmettik-ekonomıkalyq ózgerister saıası reformamen qatar júredi.
Biz saıası júıeni demokratııalandyrý, memlekettik bılikti ortalyqsyzdandyrý baǵytynda naqty qadamdar jasalynatynyna anyq kóz jetkizdik. Sondaı-aq BAQ-taǵy sóz bostandyǵy men saıası partııalardy tirkeýdi ońaılatý jaǵy sóz boldy. Zamanaýı qoǵam qalyptastyrý eshqashan kesh emes. Jáne bul jumysty qoǵamnyń ózin aralastyrmaı júzege asyrý múmkin emes ekenin túsinemiz. Biz Eýropalyq Odaq, Qazaqstannyń seriktesi retinde qoldaýǵa daıynbyz.
Mundaı ózekti máselelerdiń kóterilgeni óte durys, tıimdi júzege asyrylýy odan da mańyzdy ekenin aıta ketken jón. Usynylǵan reforma kólemi keń ekeni belgili. Dese de, osy bastamalar ýaqyt óte kele oryndalýy kerek. EO Qazaqstanmen keńeıtilgen áriptestik pen yntymaqtastyq týraly kelisimine saı jumys isteýge daıyn.
Kestýtıs IаNKAÝSKAS,
Eýropalyq Odaqtyń Qazaqstandaǵy elshisi
