«Qazaqstan Prezıdenti Qasym-Jomart Toqaev óz kabınetiniń ókilettikterin shekteý úshin konstıtýsııalyq reformalardy usynyp, eldiń sýperprezıdenttik basqarýdan kúshti parlamenti bar prezıdenttik respýblıkaǵa kóshýi qajet ekenin aıtty» deıdi taıaýshyǵystyq basylym.
Ortalyq Azııa eliniń parlamentinde sóılegen sózinde Toqaevtyń keıbir zańnamalyq ózgeristerdi alyp tastaýdy usynǵanyn, atap aıtqanda, parlamenttik saılaý júıesin ózgertýge jáne Konstıtýsııalyq sotty qalpyna keltirýge shaqyrǵanyn jazdy.
«Toqaev sonymen birge 1990-jyldary ózge aımaqtarmen biriktirilgen úsh oblysty qaıta qurýdy, bıleýshi partııany úkimetten alystatýdy jáne Prezıdent tikeleı nemese janama túrde taǵaıyndaıtyn Parlament depýtattarynyń sanyn azaıtýdy qalaıtynyn aıtty», delingen habarlamada.
Taǵy bir usynylǵan reforma partııa qurýǵa qajetti adamdardyń sanyn 20 myńnan 5 myńǵa tómendetý arqyly jańa saıası partııalardy tirkeý jeńildetiletini aıtyldy.
