Aıta ketý kerek, Almatyda ótken shyǵarmashylyq baıqaýda elimizdiń túkpir-túkpirinen kelgen 214 daryn baq synaǵan bolatyn. Al óner saıysynda halyq ánderinen popýrrıdi estradalyq nusqada oryndaǵan Aqtoǵaıdyń ánshi baldyrǵandary 38 ujymnyń ishinen dara shyqty.
«Áýen» tobynyń jetekshisi Salamat Múbárák óner ujymynyń 2016 jyly qurylǵanyn aıtady.
– Jańa qurammen 2020 jyldan jumys isteı bastadyq. Sodan bergi ýaqyt ishinde ansambl birneshe iri óner dodasyna qatysty. Qol jetkizgen tabys ta az emes. Jalpy, repertýarymyzda alty án bar. Ansambl quramyndaǵy segiz qyzdyń barlyǵy vokal boıynsha bilim alady, – deıdi ol.
Sonymen birge top quramyndaǵy jeke oryndaýshylar Káýsar Qanat pen Dılıara Nurahmet atalǵan baıqaýda kózge túsip, qazylar men kórermenniń ystyq yqylasyna bólenipti. Káýsar ózimen jasty 42 ánshi qatysqan saıysta bas júldeni jeńip alsa, Dılıara birinshi orynǵa ıelik etken eken.
Qaraǵandy oblysy
