Mastodonttar − neogen dáýirinde tirshilik etken sútqorekti janýarlardyń tumsyqtylar toby tuqymdasynyń biri. Ol Eýropa, Azııa, Soltústik Amerıka jáne Afrıkada keńirek taraǵan. Al bizdiń elimizde Soltústik Qazaqstan men Almaty oblysynan qazba qaldyqtary kezdesken. Olardyń arǵy tekteriniń biri, gomfoterııler Torǵaı dalasyndaǵy Uly Jylanshyq ózeni jaǵasynan da tabyldy. Mastodonttyń tisi bujyr, búrshik tárizdes, deneleriniń bıiktigi 1,5 - 3,6 m. Azý tisi pildiń azý tisi sekildi uzyn. Kóne túrlerinde joǵary jáne tómengi qos azý tisi birdeı uzyn bolsa, keıingilerinde tek joǵary azý tisteri uzarǵan. Olar negizinen batpaqta jáne ormanda tirshilik keshedi. Búginde jurtshylyq olardyń 7 túrin jaqsy biledi.
Qazir ǵalymdar basqa da jer betinen joıylyp ketken janýarlar sekildi mastodonttardy zertteý − kaınozoıdyń qurlyqtyq shógindileri stratıgrafııasyn anyqtaýda mańyzy zor ekenin aıtady.
