Eki elde de aýrýdy birinshi juqtyrǵandar jaqynda ǵana shetelden kelgen. Izraılde ınfeksııanyń birneshe jaǵdaıy zerdelený ústinde. Maımylsheshek aýrýy Ortalyq jáne Batys Afrıkada jıi kezdesedi. Bul aımaqtan tys jerde onyń qozdyrǵyshyn kóbinese sol jerde bolǵan adamdar men janýarlar tasymaldaıdy.
AQSh, Kanada, Avstralııa jáne Eýropada maımylshesheginiń jańa jaǵdaılary zerttelýde. Osy aptada AQSh, Kanada, Ispanııa, Portýgalııa, Ulybrıtanııa, Fransııa, Italııa, Shvesııa jáne Avstralııa bıligi de óz aýmaǵynda aýrýdyń órshýin rastady.
Agenttik málimetinshe, álemde ınfeksııanyń 80-ge jýyq jaǵdaıy rastalǵan. Al Dúnıejúzilik densaýlyq saqtaý uıymynyń aıtýynsha, maımylsheshegin juqtyrdy degen kúdikke ilingen 50 jaǵdaı anyqtalǵan. Biraq qaı elde anyqtalǵany atalmaı otyr. Uıym aýrý sanynyń áli de artatynyn eskertti. Ǵalymdar indettiń osynsha qarqyndy taralatynyn kútken joq, dese de maımylsheshek adamnan adamǵa ońaı juqpaıdy.
Brıtandyq densaýlyq saqtaý qyzmetiniń málimetinshe, aýrý ádette jeńil ótedi, adamdardyń kóbi birneshe apta ishinde saýyǵyp ketedi.
