Kóshbasshy jastar – kez kelgen memlekettiń bolashaǵy. Olardyń jastyq shaǵy eldiń damýyna, gúldenýine úles qosatyn mańyzdy ýaqyt bolyp sanalady.
Shyǵys ámirleriniń biri Ál-Farabıden: «Ustaz, meniń memleketimniń bolashaǵy qandaı kúıde bolmaq?» dep suraǵanda ǵulama: «Elińniń bolashaǵyn bilgiń kelse, maǵan jastaryńdy kórset, sonan soń aıtyp bereıin», degen eken. Sondyqtan eldiń qandaı bolatyndyǵyn jastarǵa, ıaǵnı bizderge qarap biledi. Kóshbasshy jastar eliniń bolashaǵyna alańdap, «Qaıtsem elimdi kórkeıtem?» degen maqsatty aldyna qoısa, eń mańyzdysy osy.
Búginde elimizde kóshbasshylyq jasap júrgen jastar jeterlik. Alaıda ókinishke qaraı, olardyń arasynda kóshbasshylyq qasıetterin qoǵamǵa jat, teris baǵytta paıdalanyp júrgender de barshylyq. Al bizge tártipke bas ıgen, bilikti, batyl, oıy ushqyr, uıymdastyrýshylyq qabileti joǵary, el aldynda erkin sóıleı alatyn, elin súıetin patrıot, keleshek urpaq úshin alańdaıtyn, qazaq eliniń bolashaǵyn jasaıtyn kóshbasshy jastar kerek. Memleket tarapynan osyndaı jastarǵa baǵyt-baǵdar berip, qoldaý kórsetilse, sol býynnyń artynan elimizdiń talaı óskeleń urpaǵy ilesetinine tolyq senemin.
О́mirden óz jolyn taba almaı adasyp, túrli teris baǵyttaǵy toptarǵa qosylyp qylmysqa, quqyq buzýshylyqtarǵa baryp júrgen jastarǵa psıhologııalyq, áleýmettik turǵyda kómek kórsetýdiń, olardy durys baǵytqa jeteleýdiń máni zor. Qazirgi qoǵamnyń jegi qurtyna aınalǵan jemqorlyqqa jastardy qarsy turýǵa úndeý de nazardan tys qalmaýy qajet. Osy turǵydan kelgende Jańa Qazaqstandy ári qaraı damytýǵa, memlekettik isterge jáne tolyqqandy saıasatqa aralasý úshin «Jastar – kóshbasshy» uıymyn qurýdy usynamyn. О́ıtkeni kóshbasshy jastardy qoldaý men senim artý mańyzdy. Bizder, qazaq eliniń jastary ata-babalarymyz ańsaǵan osyndaı beıbit kúnimizdi jáne teńdesi joq táýelsizdigimizdi baǵalaı bileıik, sonda ǵana keleshek urpaqqa keń baıtaq jerimiz ben qazaqy bolmysymyzdy, salt-dástúrimizdi, jaqsy isterimizdi amanat etip qaldyramyz, ol urpaqtan urpaqqa jalǵasýy tıis.
Aqmonshaq QURALBEK,
L.N.Gýmılev atyndaǵy Eýrazııa ulttyq ýnıversıtetiniń 2-kýrs stýdenti
