3 maýsym kúndiz Soltústik Qazaqstan oblysynyń ońtústiginde, shyǵysynda naızaǵaı kútiledi. Soltústikten, oblystyń soltústiginde, shyǵysynda 15-20 m/s jel soǵady, ekpini 23 m/s jetedi.
Petropavlda soǵatyn soltústik jeldiń ekpini 15-20 m/s deıin jetedi.
«Kúndiz Qaraǵandy oblysynyń soltústiginde naızaǵaı kútiledi. Batystan, soltústik-batystan jel soǵady, kúndiz oblystyń soltústiginde ekpini 15-20 m/s jetedi», delingen sınoptıkter habarlamasynda.
Sonymen qatar, Túrkistan oblysynyń soltústiginde, batysynda, taýly jáne taý bókterindegi aýdandarynda naızaǵaı, daýyl kútiledi. Soltústik-shyǵystan oblystyń soltústiginde, batysynda, taýly jáne taý bókterindegi aýdandarda jel 15-20 m/s, ekpini 25 m/s jetedi.
Shymkentte tańerteń jáne kúndiz naızaǵaı oınap, daýyl turady. Soltústik-shyǵystan jel soǵady, ekpini 15-20 m/s jetedi.
Túrkistanda - naızaǵaı, daýyl. Soltústik-shyǵystan jel soǵyp, ekpini 15-20 m/s jetedi.
Qyzylorda oblysynyń ortalyǵynda naızaǵaı oınaıdy. Oblys ortalyǵynda soltústikten, soltústik-shyǵystan, 15-20 m/s jyldamdyqpen jel soǵady.
Almaty oblysynyń ońtústiginde, shyǵysynda jáne taýly aýdandarynda kúndiz naızaǵaı, daýyl kútiledi. Soltústik-shyǵystan, shyǵystan jáne oblystyń taýly aımaqtarynan jel 15-20 m/s, ekpini 25 m/s jetedi.
Taýly aýdandarda, sondaı-aq Almaty oblysynyń ońtústiginde, shyǵysynda kúndiz naızaǵaı, daýyl bolady. Soltústik-shyǵystan soǵatyn jel Oblystyń shyǵysy men taýly aımaqtarynda ekpini 25 m/s jetedi.
Tótenshe jaǵdaılar departamenti azamattardy aýa-raıynyń ózgerýin baqylap, saqtyq sharalaryn saqtaýǵa shaqyrady.
