Soltústik Qazaqstanda 5 oqýshy AQSh-qa joldama utyp aldy

PETROPAVL. 21 sáýir. Soltústik Qazaqstan oblysy mektepteri 5 oqýshysynyń AQSh-ta bilimderin jetildirý quqyǵyna ıe boldy. Bul týraly egemen.kz tilshisi habarlady. Qazaqstan-Amerıka «FLEX»  baǵdarlamasy boıynsha bıyl elimizden 5000-ǵa jýyq úmitker synǵa túsip, olardyń 83-i irikteýden súrinbeı ótti. Osy synnan ótkender arasynan tabylǵan 5 soltústikqazaqstandyq oqýshy kelesi oqý jylynda AQSh-qa sapar shegedi. Petropavl qalasyndaǵy «BEST» gımnazııasynyń oqýshylary  atalmysh baǵdarlamaǵa 1999 jyldan beri atsalysyp keledi. Sodan  beri 18 oqýshy joldamany jeńip alyp,  bilimderin aǵylshyn tilinde tereńdetý múmkindigine ıe boldy.  Balalardyń  muhıttyń arǵy jaǵynda  oqýy, tamaǵy, jatyn orny tegin bolǵandyqtan, «júzden júırik, myńnan tulpar» ataný ońaı emes. Usynylǵan taqyrypqa  shyǵarma jazý, psıhologııalyq testen ótý, áńgimelesý, ózderin qabyldaıtyn otbasylarǵa hat jazý, kóshbasshylyq qarym-qabyletin tanytý, bógde adamdarmen til tabysý sekildi synaqtardan qınalmaı ótken  qyzyljarlyq boıjetkender  Qazaqstannyń namysyn joǵary ustaýǵa sert berip otyr. О́mir Esqalı. Derekkóz: egemen.kz. Foto: flex-exchange.ru.