7 maýsymda Qazaqstannyń basym aýmaǵynda qubylmaly aýa raıy kútiledi: naızaǵaı oınap, jańbyr jaýady. Batysta, soltústikte, ońtústiktiń taýly aýdandarynda burshaq, daýyl boljanady. Elimizdiń ońtústiginde, ortalyǵynda, shyǵysynda aýa raıy – jaýyn-shashynsyz.
Respýblıka boıynsha jel kúsheıip, soltústikte – tuman, ońtústik-batysta, soltústikte – shańdy daýyl bolady. Atap aıtqanda, Qostanaı oblysynyń batysynda, soltústik-batysynda, soltústik-shyǵysynda naızaǵaı, burshaq, daýyl, kúndiz oblystyń ońtústiginde shańdy daýyl kútiledi. Jeldiń ekpini 23-28 m/s kúsheıýi yqtımal.
Soltústik Qazaqstan oblysynyń ońtústik-batysynda, batysynda, soltústiginde naızaǵaı, burshaq, daýyl kútiledi. Túnde jáne tańerteń oblystyń batysynda tuman, kúndiz ońtústik-batysynda, batysynda, soltústiginde 15-20 m/s kúshpen jel soǵady.
Túnde Batys Qazaqstan oblysynyń soltústiginde, soltústik-batysynda, kúndiz soltústik-shyǵysynda naızaǵaı, burshaq, daýyl boljanady. Oblystyń soltústiginde, soltústik-batysynda jeldiń jyldamdyǵy 15-20 m/s kúsheıedi.
Kúndiz Aqmola oblysynyń batysynda, soltústiginde naızaǵaı, jeldiń kúshi – 15-20 m/s. Kúndiz Almaty oblysynyń taýly aýdandarynda – naızaǵaı, soltústik-shyǵysynda, taýly aýdandarynda ekpini 25 m/s quraıtyn jel kútiledi.
Atyraý oblysynda jeldiń kúshi 15-20 m/s quraıdy. Mańǵystaý oblysynyń batysynda, soltústiginde naızaǵaı, shańdy daýyl, kúndiz batysynda, soltústiginde, ońtústiginde 15-20 m/s ekpinde jel kútiledi.
Túnde Aqtóbe oblysynyń soltústik-batysynda, kúndiz basym bóliginde jeldiń jyldamdyǵy 15-20 m/s quraıdy. Kúndiz Qaraǵandy oblysynyń batysynda, shyǵysynda jeldiń kúshi 15-20 m/s bolady. Kúndiz Qyzylorda oblysynyń ortalyǵynda jeldiń jyldamdyǵy 15-20 m/s artady.
Kúndiz Jambyl oblysynyń taýly aýdandarynda naızaǵaı, burshaq, daýyl, 15-20 m/s ekpindegi jel kútiledi. Kúndiz Qaraǵandy, Qyzylorda, Qostanaı oblystarynyń ońtústiginde qatty ystyq bolady. Qyzylorda oblysynyń batysynda, shyǵysynda, ortalyǵynda, Qaraǵandy oblysynyń batysynda, shyǵysynda, Almaty oblysynyń batysynda tótenshe órt qaýpi kútiledi.
