ASTANA. 22 sáýir.Pákstannyń ońtústigindegi Sınd provınsııasynda jol kólik apatynan 42 adam qaza boldy. Bul týraly Lenta.ru habarlady. Derekterge qaraǵanda, Karachı qalasyna qaraı baǵyt alǵan jolaýshylar avtobýsy joldyń shetinde turǵan júk kóligine soǵylǵan. Qaza bolǵandardyń jıyrmaǵa jýyǵy áıelder men balalar kórinedi. Jergilikti polısııanyń aqpary boıynsha, jol apaty saldarynan 20 shaqty adam jaraqat alǵan. Oqıǵa oryn alǵan jerdegi joldyń bir bóligi jóndeý jumystrana baılanysty jabylǵan eken. Apattyń sebepteri anyqtalýda. «Associated Press» agenttiginiń habarlaýynsha, Pákstanda eleýli adam shyǵynyna soqtyratyn jol apattary jıi bolyp turady. Mundaı oqıǵalarǵa kóbinese joldardyń sapasyzdyǵy men júrgizýshilerdiń jaýapsyzdyǵy sebep týǵyzady eken. Aıdar О́risbaev. Derekkóz: Lenta.ru. Foto: Lenta.ru.
