Petropavlda tósekke tańylǵan qyzdyń kórmesi ótkizildi

PETROPAVL. 22 sáýir. Múgedekter arbasyna ıek artqan petropavldyq qyz – Elena Shalamova deni-basy saý, aıaq-qoly bútin zamandastary tárizdi eńbek etkendi qalaıdy. Ol jýyqta halyqqa sýret kórmesin usyndy. Bul týraly «Ekspress K» habarlady. Elena óziniń kórmesine ondaǵan keskindemesin qoıdy. О́nerli qyz bul sýretterin salǵanda akvarel, gýash, akrıl jáne qarandash tárizdi quraldardy paıdalanǵan. Elenanyń, ásirese, kishkentaı qyzdyń mysyǵymen birge myna jaryq dúnıege  zer sala qarap otyrǵany beınelengen eńbegi sátti shyqqan. Sýretshi qyz 4 jasyna deıin kádimgideı qalypty jaǵdaıda ósken. Al odan keıin tánine aýyr dert jabysady. Iаǵnı, dárigerler onyń asa qaýipti býyn aýrýyna shaldyqqanyn anyqtaıdy. Elena 3-synyptan bastap oqýyn úıinde jalǵastyryp, mektepti úzdik bitirip shaǵady.  Budan keıin býhgalter-ekonomıst mamandyǵy boıynsha ýnıversıtetke túsip, ony qashyqtyqtan oqytý ádisi negizinde aıaqtaıdy. Bildeı dıplomy bar Elenaǵa laıyqty jumys tabyla qoımaıdy. Sodan ol izdene júrip, aqyry óziniń qolynan keletin istiń tizginin ustaıdy. Talapty qyz búginde Máskeýdegi bir baspamen baılanysyp, olardyń tapsyrmalaryn oryndaıdy. Iаǵnı, baspasóz-máslıhattarynan, «dóńgelek ústelderden» taspaǵa túsirilgen jazbalardy óńdep, ony aýdıofaıldarǵa ornalastyrady jáne basqa da osy ispettes jumystar atqarady. Elena bul eńbegi úshin aıyna 300 dollarǵa jýyq aqy alady eken. Dertti bolsa da eńsesin túsirmeı alǵa umtylǵan eńbekqor qyzdyń qolynan kóp is keledi. Ol  qosymsha monshaqtar tizýmen, tiginshilikpen aınalysady. Al sońǵy kezderde sýret ónerimen berile shuǵyldanyp júr. Qazir Elenanyń ózi salǵan 60-tan astam sýreti bar. Joldybaı Bazar. Derekkóz: «Ekspress K». Foto: express-k.kz.