El aýmaǵynyń basym bóligine burynǵysynsha atmosferalyq frontaldy bólimder áser etedi, osyǵan baılanysty turaqsyz aýa raıy saqtalady, naızaǵaı oınap, jańbyr jaýady. Sondaı-aq burshaq, daýyl kútiledi. Shyǵysta, ońtústik–shyǵysta qatty jańbyr jaýady.
Elimizdiń batysynda, soltústik-batysynda, ońtústiginde, ortalyǵynda jaýyn-shashynsyz aýa raıy kútiledi. Respýblıka boıynsha jeldiń kúsheıýi, ońtústik-batysta, ońtústikte shańdy daýyl kútiledi. Almaty oblysynyń ońtústiginde, shyǵysynda, taýly aýdandarynda jel 15-20, oblystyń shyǵysynda ekpini 25 m/s kúsheıedi.
Jambyl oblysynyń ońtústik-shyǵysynda, taýly aýdandarynda burshaq, daýyl, soltústik-shyǵysynda, oblystyń taýly aýdandarynda - 15-20 m/s jel turady. Shyǵys Qazaqstan oblysynyń soltústiginde, shyǵysynda burshaq, daýyl kútiledi, oblystyń batysynda, soltústiginde, shyǵysynda jel 15-20, ekpini 23 m/s kúsheıedi.
Soltústik Qazaqstan oblysynyń soltústiginde, shyǵysynda burshaq jaýýy yqtımal, túnde jáne tańerteń oblystyń soltústik-batysynda tuman, kúndiz soltústikte, shyǵysta jel 15-20 m/s kúsheıedi. Túrkistan oblysynyń taýly aýdandarynda daýyl kútiledi, oblystyń soltústiginde, taýly aýdandarda jel 15-20 m/s kúsheıedi, kúndiz oblystyń soltústiginde shańdy daýyl bolady.
Pavlodar oblysynyń soltústiginde, kúndiz ortalyǵynda burshaq, soltústiginde, ortalyǵynda jel 15-20 m/s kúsheıedi. Túnde Qostanaı oblysynyń ońtústiginde tuman, kúndiz soltústik-shyǵysynda, shyǵysynda jel 15-20 m/s kúsheıedi. Túnde Mańǵystaý oblysynyń ońtústiginde, ortalyǵynda 15-20 m/s jel kúsheıip, shańdy daýyl turady.
Atyraý oblysynyń shyǵysynda, Aqmola oblysynyń soltústiginde, shyǵysynda, kúndiz Qaraǵandy oblysynyń shyǵysynda, ońtústiginde, Qyzylorda oblysynyń ortalyǵynda jel 15-20 m/s kúsheıedi. Kúndiz Batys Qazaqstan, Mańǵystaý oblystarynyń ońtústiginde qatty ystyq kútiledi. Qyzylorda oblysynda, Shyǵys Qazaqstan, Almaty oblystarynyń batysynda, Aqtóbe oblysynyń ońtústiginde, shyǵysynda, Atyraý oblysynyń ońtústiginde, Qaraǵandy oblysynyń batysy men shyǵysynda, Túrkistan oblysynyń ońtústik-shyǵysynda tótenshe órt qaýipi kútiledi.
