Májilis depýtaty Erlan Saırov Qoǵamdyq palatanyń maqsaty men mindetteri týraly arnaıy baıandama jasady.
«Qurylǵaly otyrǵan Qoǵamdyq palata Ulttyq quryltaı formatyn shyǵarmashylyq turǵyda damyta otyryp, Májilis pen azamattyq qoǵam ókilderi, sarapshylar qaýymdastyǵy arasyndaǵy baılanystardy júıeli túrde nyǵaıtýǵa serpin beredi. Palata aıasynda qoǵam ókilderi zań jobalaryn qarap, qoǵamdyq saraptama jasaý arqyly qoǵamdaǵy ózekti máselelerge táýelsiz, obektıvti oılaryn ortaǵa sala alady», dedi Erlan Saırov.
Onyń aıtýynsha, Palata rotasııa prınsıpi boıynsha jumys istep, onyń músheleri júıeli túrde ózgerip turatyn bolady.
«Palata músheligine parlamenttik jáne parlamenttik emes partııa músheleri, elimizdegi parlamentarızm máselesimen tereń aınalysyp júrgen azamattar, qoǵam belsendileri, ár-túrli saladaǵy sarapshylar men saıasattanýshylar múshe bola alady», dep qosty depýtat.
Májilis tóraǵasy Erlan Qoshanov atalǵan Qoǵamdyq palatanyń jumysyn tikeleı ózi qadaǵalaıtynyn aıtty.
«Meniń oıymsha búgin óte durys sheshim qabyldanyp, Qoǵamdyq palata quryldy. Endi onyń qashan jumys bastaıtyny jóninde qosymsha aqyldasamyz. Bul bastamaǵa árbir depýtat belsene qatysý kerek. Onyń múshesi bolý mindetti emes. Biraq kez kelgen zań jobasy boıynsha aıtar pikirińiz bolsa, árbir depýtat oǵan qatysa alady. Bul jumysty men ózim tikeleı qadaǵalaımyn», dedi Májilis spıkeri.
