Bilim berýdi jetildirýge arnalǵan konferensııa

Búginde ınnovasııalyq damý barlyq salada tańsyq emes dúnıege aınalǵaly qashan. Al osy ınnovasııanyń ǵylymmen baılanysy asa túsindirýdi qajet etpese kerek-ti. Sebebi, ınnovasııa jańa, jańarý sózderiniń uǵymyn beredi. Olaı bolsa sóz etken ǵylym da jańaryp, jetilip otyratyn sala. Mine, osyny negizge alǵan Astana qalasyndaǵy irgeli oqý oryndarynyń biri «Turan-Astana» ýnıversıteti jýyrda «Ǵylymı-ınnovasııalyq damý – joǵary bilimdi jetildirý faktory» atty halyqaralyq ǵylymı-ádistemelik konferensııa ótkizdi. Konferensııa Qazaqstan joǵary oqý oryndaryn akkredıtteýdiń jáne akademııalyq saralaýdyń ádisnamalyq negizi, pánaralyq baılanystardy kiriktirý jaǵdaıynda bolashaq mamandardyń kásibı quzyrettiligin qalyptastyrý, qazirgi kezeńde mamandardy daıar­­laýdaǵy aqparattyq-kom­mý­­nıkasııalyq tehnologııalar, Qazaqstan ekonomıkasynyń ınno­vasııalyq-ındýstrııalyq damýyn esepke ala otyryp, modýldik bilim baǵdarlamalaryn qurý máse­lelerin qamtydy. Professor Djem Tanova (Soltústik Kıprden), reseılik ǵalym Vasılıı Chekmarev, Qytaı Halyq Respýblıkasynan Nurbaı Ábdisalıh, Estonııadan kelgen professor Hanon Barabaner, ázerbaıjandyq ǵalym Orhan Hasanoglý jáne Shveısarııa men bizge kórshi elderden kelgen basqa da kóptegen oqymystylar sóz alyp, aqparattyq tehnologııalar jedel damyp kele jatqan qazirgi zamanda bilim berýdiń jańa joldary qalyptasqandyǵyn atap ótti. Ǵalymdardyń aıtýynsha, qazirgi kúni ǵylymı-ınnovasııalyq damý máselesi búkil álem boıynsha asa ózekti bola túsýde. Ja­ńalyqtar kún saıyn ashyla bastady. Mine, osyndaı jaǵdaıda bilim berý isiniń zaman talabyna saı jedel damýynyń ózi ońaı emes. Oqytýshy ǵalymdar osy máseleni jan-jaqty talqylady. Nurlan MANSUROV. ASTANA.