Almatyda Ǵ.Músirepov atyndaǵy balalar jáne jasóspirimder teatrynyń tórinde Táýelsizdiktiń tól basylymy, otandyq medıa keńistiginde óz orny, qalyptasqan óz qoltańbasy bar halyqaralyq saıası aptalyq – «Túrkistan» gazetiniń jıyrma jyldyq mereıtoıy joǵary deńgeıde atap ótildi.
Jıyndy ashqan gazettiń bas redaktory Shámshıdın Patteev gazettiń shyǵýyna muryndyq bolǵan marqum, belgili jazýshy, dramatýrg Qaltaı Muhamedjanov pen qazaq ádebıetiniń zańǵar jazýshysy Ábdijámil Nurpeıisovtiń eńbegin aıta kelip, búginde gazet Qazaqstannyń táýelsizdigin, Qazaqstannyń memlekettiligin, qazaqtyń, túrkiniń joǵyn izdegen basylymnyń biri bolǵanyn, sońǵy bes jylda gazet «Nur Otan» partııasymen seriktestikte birge jumys istep kele jatqanyn jetkizdi.
– Men úshin táýelsizdigimizdiń altyn besigi ásem Almatyda osyndaı merekeniń ústinde ózderińizdeı ult zııalylary – aǵa býynmen júzdesý úlken mártebe. О́ıtkeni, jıyrma jyl abyroımen jumys atqaryp, táýelsizdik jylnamasyn jasaýǵa atsalysyp, bıyl elmen birge on bes jyldyǵyn toılap otyrǵan partııamen birge jasap kele jatqan «Túrkistan» gazetiniń mereıtoıy tek basylymnyń ǵana emes, jalpy qazaq baspasóziniń qýanyshy der edim, dep sóz bastaǵan «Nur Otan» partııasy Tóraǵasynyń birinshi orynbasary Baýyrjan Baıbek, odan ári «Nur Otan» partııasy úshin BAQ-pen tyǵyz baılanysta bolyp, ózara yntymaqtasý óte mańyzdy ekenin, bul rette «Nurmedıa» tobyna qarasty aqparat quraldaryn zaman talabyna saı damytý, qazaq tildi oqyrmannyń qajetin qamtý máselesi aıryqsha basymdyqqa ıe bolatynyn tilge tıek ete ketti.
Sondaı-aq, torqaly toıǵa arnaıy kelgen qonaqtar – Baılanys jáne aqparat agenttigi tóraǵasynyń orynbasary Altaı Ábıbýllaev, Mádenıet mınıstriniń orynbasary Asqar Bóribaev, Ulttyq ǵylym akademııasynyń prezıdenti, akademık Murat Jurynov, «Egemen Qazaqstan» respýblıkalyq gazeti» aksıonerlik qoǵamynyń prezıdenti Saýytbek Abdrahmanov, halyqaralyq Qazaq PEN-klýbynyń prezıdenti, «Central Azia Monitor» gazetiniń bas redaktory Bıgeldi Ǵabdýllın óz tilekterin bildirdi.
Keshte jarııa etilgen Premer-Mınıstr Kárim Másimovtiń, Parlament Senatynyń Tóraǵasy Qasym-Jomart Toqaevtyń, Májilis Tóraǵasy Qabıbolla Jaqypovtyń, Astana qalasynyń ákimi Imanǵalı Tasmaǵambetovtiń atynan kelgen quttyqtaýlar basylymnyń bedelin arttyra tústi. Birqatar oblystyq ákimdikterdiń, joǵary oqý oryndarynyń ókilderi de kelip quttyqtady.
«Túrkistan» gazeti mereıtoıǵa oraı Alash arystary ańsaǵan Táýelsizdik taqyrybyna arnaıy báıge jarııalaǵan bolatyn. Osy keshte «júzden júırik, myńnan tulpar» ozyp shyqqan júldegerler de marapattaldy.
Ádemi keshti qazaqtyń asa kórnekti qalamgeri, halyq jazýshysy Ábdijámil Nurpeıisov:
– Biz búgin túrki áleminiń rýhyna taǵzym etýge kelip otyrmyz. Biz umytyla jazdaǵan uǵymdy «Túrkistan» gazetin ashyp, tiriltip aldyq. Sol arqyly joǵaltyp bara jatqan rýhymyzben qaýyshqandaı bolyp qýandyq, – degen aqsaqaldyq sózimen qorytty.
Keshtiń ón boıynda Qazaqstannyń óner maıtalmandary kúmbirletip kúı tógiltip, ánnen shashý shashty.
Jazar kóbeısin, qalamdaryńyz muqalmasyn, toı qutty bolsyn, áriptester!
Gúlzeınep SÁDIRQYZY,
«Egemen Qazaqstan».
Sýretti túsirgen Maqsat QUSAIYNOV.
– Men úshin táýelsizdigimizdiń altyn besigi ásem Almatyda osyndaı merekeniń ústinde ózderińizdeı ult zııalylary – aǵa býynmen júzdesý úlken mártebe. О́ıtkeni, jıyrma jyl abyroımen jumys atqaryp, táýelsizdik jylnamasyn jasaýǵa atsalysyp, bıyl elmen birge on bes jyldyǵyn toılap otyrǵan partııamen birge jasap kele jatqan «Túrkistan» gazetiniń mereıtoıy tek basylymnyń ǵana emes, jalpy qazaq baspasóziniń qýanyshy der edim, dep sóz bastaǵan «Nur Otan» partııasy Tóraǵasynyń birinshi orynbasary Baýyrjan Baıbek, odan ári «Nur Otan» partııasy úshin BAQ-pen tyǵyz baılanysta bolyp, ózara yntymaqtasý óte mańyzdy ekenin, bul rette «Nurmedıa» tobyna qarasty aqparat quraldaryn zaman talabyna saı damytý, qazaq tildi oqyrmannyń qajetin qamtý máselesi aıryqsha basymdyqqa ıe bolatynyn tilge tıek ete ketti.
Sondaı-aq, torqaly toıǵa arnaıy kelgen qonaqtar – Baılanys jáne aqparat agenttigi tóraǵasynyń orynbasary Altaı Ábıbýllaev, Mádenıet mınıstriniń orynbasary Asqar Bóribaev, Ulttyq ǵylym akademııasynyń prezıdenti, akademık Murat Jurynov, «Egemen Qazaqstan» respýblıkalyq gazeti» aksıonerlik qoǵamynyń prezıdenti Saýytbek Abdrahmanov, halyqaralyq Qazaq PEN-klýbynyń prezıdenti, «Central Azia Monitor» gazetiniń bas redaktory Bıgeldi Ǵabdýllın óz tilekterin bildirdi.
Keshte jarııa etilgen Premer-Mınıstr Kárim Másimovtiń, Parlament Senatynyń Tóraǵasy Qasym-Jomart Toqaevtyń, Májilis Tóraǵasy Qabıbolla Jaqypovtyń, Astana qalasynyń ákimi Imanǵalı Tasmaǵambetovtiń atynan kelgen quttyqtaýlar basylymnyń bedelin arttyra tústi. Birqatar oblystyq ákimdikterdiń, joǵary oqý oryndarynyń ókilderi de kelip quttyqtady.
«Túrkistan» gazeti mereıtoıǵa oraı Alash arystary ańsaǵan Táýelsizdik taqyrybyna arnaıy báıge jarııalaǵan bolatyn. Osy keshte «júzden júırik, myńnan tulpar» ozyp shyqqan júldegerler de marapattaldy.
Ádemi keshti qazaqtyń asa kórnekti qalamgeri, halyq jazýshysy Ábdijámil Nurpeıisov:
– Biz búgin túrki áleminiń rýhyna taǵzym etýge kelip otyrmyz. Biz umytyla jazdaǵan uǵymdy «Túrkistan» gazetin ashyp, tiriltip aldyq. Sol arqyly joǵaltyp bara jatqan rýhymyzben qaýyshqandaı bolyp qýandyq, – degen aqsaqaldyq sózimen qorytty.
Keshtiń ón boıynda Qazaqstannyń óner maıtalmandary kúmbirletip kúı tógiltip, ánnen shashý shashty.
Jazar kóbeısin, qalamdaryńyz muqalmasyn, toı qutty bolsyn, áriptester!
Gúlzeınep SÁDIRQYZY,
«Egemen Qazaqstan».
Sýretti túsirgen Maqsat QUSAIYNOV.
