Kókeıkesti máseleler qaraldy

Keshe Máskeýde Premer-Mınıstrdiń birinshi orynbasary Baqytjan Saǵyntaev Eýrazııalyq ekonomıkalyq komıssııa (EEK) Keńesiniń otyrysyna qatysty, dep habarlady Premer-Mınıstrdiń baspasóz qyzmeti. Erteń Mınskide Qazaqstan, Reseı jáne Belarýs Prezıdentteriniń qaty­sýymen ótetin joǵarǵy Eýrazııalyq eko­nomıkalyq keńes otyrysy qarsa­ńynda, EEK keńesi Keden odaǵy men Birtutas ekonomıkalyq keńistikti odan ári damytýdyń meılinshe kókeıkesti máselelerin qarady. Taraptar Eýrazııalyq ekonomıkalyq odaq týraly Kelisim jobasy, sondaı-aq memleketterdiń ózara tıimdi múddelerin qanaǵattandyrýǵa jáne ıntegrasııany odan ári damytýǵa baǵyttalǵan jobalardy jasaý barysyndaǵy áriptes eldermen birlesken jumystardyń negizgi aspektilerin talqylady. BEK keńesi básekelestikti damytý, munaı men munaı ónimderin alyp ótý, gaz jáne avtokólik tasymaly, temirjol tarıfterin qoldaný men aýyl sharýashylyǵyn memlekettik qol­daý salalaryndaǵy ózara is-qımyl perspektıvalaryn anyqtady. О́nerkásiptik, agroónerkásiptik, valıýtalyq salalardy, qarjy rynoktaryn qamtıtyn, ekonomıkanyń negizgi sektorlary boıynsha  bul salalardy ózara tıimdi damytý jónindegi ortaq túsinistikke qol jetkizildi. Otyrys qorytyndysy boıynsha Keden odaǵyndaǵy  syrtqy ekonomıkalyq qyzmetter sharttaryn yqshamdaý jáne jetildirý, atap aıtqanda, «bir tereze» júıesin engizý jónindegi odan arǵy ózara is-qımyl týraly sheshim qabyldandy. Taraptar ekonomıkalyq ıntegrasııany damytý baǵytyndaǵy birlesken jumystyń joǵarǵy yntymaqtastyq deńgeıiniń jáne teń quqyqty qarym-qatynas áleýetin tıimdi paıdalanýǵa peıil ekendikteriniń jarqyn kórinisi bolyp tabylatynyn atap kórsetti.