Máselen, Beıbitshilik jáne kelisim saraıy aýmaǵynda amfıteatr, qalanyń oń jaǵalaýyndaǵy taǵy bir jaıaý júrginshiler joly, 100-ge jýyq aýla men qoǵamdyq keńistik salyndy. Olardyń barlyǵy elordanyń vızıt kartalaryna – qala turǵyndary men qonaqtary úshin tartymdy oryndarǵa aınaldy.
«О́zderińiz biletindeı, biz «Nur-Sultan – jaıly qala» master-josparyn qabyldadyq. Bıyl taǵy 200-den astam qoǵamdyq keńistik pen aýla qurylady.
Mysaly, oń jaǵalaýda biz alǵashqy jaıaý júrginshi jolyn, ortalyq saıabaqty, qala alańyn sýburqaqtarmen, «Teatralnyı» býlvarymen («Jastar» saraıynan mýzykalyq jas kórermen teatryna deıin), jaǵalaýdy jalǵadyq. Beıbitshilik jáne kelisim saraıynyń janynda amfıteatr ashyldy, Baraev kóshesinde taǵy bir jaıaý júrginshiler joly abattandyryldy, kóshe sportynyń kolızeıi ashyldy, kópir alańdary abattandyryldy. Olardyń barlyǵy qala turǵyndary úshin de, qala qonaqtary úshin de tartymdy oryndarǵa aınaldy», dedi Altaı Kólginov.
Sondaı-aq elordada qutqarýshylar, muǵalimder, medısına qyzmetkerleriniń qurmetine saıabaqtar abattandyryldy, Kóktal eldi mekeninde saıabaq ashyldy. Qala turǵyndary men qonaqtary qoǵamdyq keńistikter men aýla aýmaqtarynda, atap aıtqanda: basketbol/fýtbol alańdarynda, workout-aımaqtarda, demalysty tynysh orynda ótkizýge arnalǵan aımaqtarda, átkenshekter, shyǵarmashylyq óner kórsetýge arnalǵan kórinister, skeıt-aımaqtarda demala alady.
Osylaısha, elordada qurǵap qalǵan oryndar, qaraýsyz qalǵan ýchaskeler men batpaqty jerler sany aıtarlyqtaı azaıdy. Olardyń oryndarynda qala turǵyndary men qonaqtary úshin tartymdy oryndar paıda boldy. Abattandyrý jumystary bas shahardyń barlyq aýdandaryn qamtydy.
