Almatyda Bilimdi damytý jyly bastaldy
Qandaı da bir halyqaralyq nemese respýblıka aıasyndaǵy bilim jarystarynda Almaty oqýshylary aldyna komanda salyp kórgen emes. Sondyqtan da, almaly qalanyń órenderi kez kelgen marapatqa laıyq. Bıylǵy «Úrker» tósbelgisin tabystaý rásimi burynǵydan da saltanatty sıpatqa ıe boldy.
Sonymen, sońǵy jyldary bilim izdegen balalarǵa úzdiksiz berilip kele jatqan «Úrker» tósbelgisin taǵý qurmeti qalanyń eń talantty oqýshylaryna, ǵylymı, beıneleý óneri men mýzyka salasy boıynsha halyqaralyq jáne respýblıkalyq olımpıadalardyń júldegerlerine buıyrǵan. Bıyl da bul altyn tósbelgini Almaty qalasynyń ákimi Ahmetjan Esimov árbir úlgili oqýshyǵa ózi taqty.
Almaty ákimi «Úrker» tósbelgisimen alty jyl ishinde 1252 oqýshynyń marapattalǵanyn atady. Almaty komandasy 9 jyl qatarynan respýblıkalyq olımpıadada jáne oqýshylardyń respýblıkalyq ǵylymı jarystarynda 12-ret komandalyq básekede birinshi oryndardy ıelenip kele jatqandyǵyn atap ótti. Bulardan ózge qala oqýshylary halyqaralyq olımpıadalar men ǵylymı jarystarda 244 júldeli oryndardan kórindi.
Osylaısha Almatyda Bilimdi damytý jyly «Úrker» tósbelgisin tapsyrýmen bastaldy. Jastyqtyń, ádemilik pen máńgiliktiń nyshany tektes Úrker shoqjuldyzy belgisi – búrshik atyp turǵan alma sııaqty jasalynǵan.
Megapolıs qalanyń bir baılyǵy – úlgili urpaǵy. Bilim izdegen, óner izdegen óndirdeı ul-qyzdary. Sondyqtan da, joǵarydaǵydaı marapatqa laıyq bolýdy árbir oqýshy armandaıdy. Bıyl da balalarǵa úlken qulshynys beretin sharada halyqaralyq olımpıadalar men ıntellektýaldy baıqaýlar jeńimpazdary bolyp tabylatyn 9-11 synyp oqýshylary «Úrker» tósbelgisimen marapattaldy.
Mereıli oqıǵaǵa oraı qala ákimi Ahmetjan Esimov:
– Qazaqstannyń bolashaǵy búgingi jastarǵa tikeleı qatysty. Intellektýaldy jáne shyǵarmashylyq qyzmettiń, ǵylymı-zertteý jumystarynyń belgili bir salasy boıynsha alǵa umtylý qoǵamda óz oryndaryńdy tabýǵa dańǵyl jol ashady. Senderdiń túrli salada jetken jetistikteriń halyqaralyq arenada qazaqstandyq bilimniń básekege qabilettiligi men bedelin arttyrady, – dep atap ótti.
Eske sala keteıik, 2009 jyly bul belgini nebári 78 oqýshy alsa, bıyl «Úrkermen» 323 júldeger marapattaldy.
Qala basshysy bıylǵy jyl Almatyda Bilimdi damytý jyly dep jarııalanǵandyqtan megapolıste mektep salý men olardy jańǵyrtý josparlanyp otyrǵanyn aıta kelip, «úrkerlikterdiń» ata-analaryna alǵys hattardy tapsyrdy.
Aınash ESALI,
«Egemen Qazaqstan».
ALMATY.
Qandaı da bir halyqaralyq nemese respýblıka aıasyndaǵy bilim jarystarynda Almaty oqýshylary aldyna komanda salyp kórgen emes. Sondyqtan da, almaly qalanyń órenderi kez kelgen marapatqa laıyq. Bıylǵy «Úrker» tósbelgisin tabystaý rásimi burynǵydan da saltanatty sıpatqa ıe boldy.
Sonymen, sońǵy jyldary bilim izdegen balalarǵa úzdiksiz berilip kele jatqan «Úrker» tósbelgisin taǵý qurmeti qalanyń eń talantty oqýshylaryna, ǵylymı, beıneleý óneri men mýzyka salasy boıynsha halyqaralyq jáne respýblıkalyq olımpıadalardyń júldegerlerine buıyrǵan. Bıyl da bul altyn tósbelgini Almaty qalasynyń ákimi Ahmetjan Esimov árbir úlgili oqýshyǵa ózi taqty.
Almaty ákimi «Úrker» tósbelgisimen alty jyl ishinde 1252 oqýshynyń marapattalǵanyn atady. Almaty komandasy 9 jyl qatarynan respýblıkalyq olımpıadada jáne oqýshylardyń respýblıkalyq ǵylymı jarystarynda 12-ret komandalyq básekede birinshi oryndardy ıelenip kele jatqandyǵyn atap ótti. Bulardan ózge qala oqýshylary halyqaralyq olımpıadalar men ǵylymı jarystarda 244 júldeli oryndardan kórindi.
Osylaısha Almatyda Bilimdi damytý jyly «Úrker» tósbelgisin tapsyrýmen bastaldy. Jastyqtyń, ádemilik pen máńgiliktiń nyshany tektes Úrker shoqjuldyzy belgisi – búrshik atyp turǵan alma sııaqty jasalynǵan.
Megapolıs qalanyń bir baılyǵy – úlgili urpaǵy. Bilim izdegen, óner izdegen óndirdeı ul-qyzdary. Sondyqtan da, joǵarydaǵydaı marapatqa laıyq bolýdy árbir oqýshy armandaıdy. Bıyl da balalarǵa úlken qulshynys beretin sharada halyqaralyq olımpıadalar men ıntellektýaldy baıqaýlar jeńimpazdary bolyp tabylatyn 9-11 synyp oqýshylary «Úrker» tósbelgisimen marapattaldy.
Mereıli oqıǵaǵa oraı qala ákimi Ahmetjan Esimov:
– Qazaqstannyń bolashaǵy búgingi jastarǵa tikeleı qatysty. Intellektýaldy jáne shyǵarmashylyq qyzmettiń, ǵylymı-zertteý jumystarynyń belgili bir salasy boıynsha alǵa umtylý qoǵamda óz oryndaryńdy tabýǵa dańǵyl jol ashady. Senderdiń túrli salada jetken jetistikteriń halyqaralyq arenada qazaqstandyq bilimniń básekege qabilettiligi men bedelin arttyrady, – dep atap ótti.
Eske sala keteıik, 2009 jyly bul belgini nebári 78 oqýshy alsa, bıyl «Úrkermen» 323 júldeger marapattaldy.
Qala basshysy bıylǵy jyl Almatyda Bilimdi damytý jyly dep jarııalanǵandyqtan megapolıste mektep salý men olardy jańǵyrtý josparlanyp otyrǵanyn aıta kelip, «úrkerlikterdiń» ata-analaryna alǵys hattardy tapsyrdy.
Aınash ESALI,
«Egemen Qazaqstan».
ALMATY.
