Nur-Sultan qalasynyń bilim basqarmasy qara-kók tústi biryńǵaı mektep formasy engizilgenin habarlady.
Biryńǵaı mektep formasy bekitilgennen keıin qala mektepteriniń basshylary ata-analardy jalpy mekteptik ata-analar jınalystarynda formanyń sáıkestigi jónindegi talaptarmen tanystyrýy tıis.
Ata-analar mektep formasyn óz qalaýy boıynsha tańdaıdy. Eń bastysy, satyp alynǵan forma talaptarǵa saı bolýy kerek.
Mektep formasynyń túsi – qoıý kók.
Mektep formasynyń stıli klassıkalyq stılde jasalǵan.
Uldarǵa arnalǵan mektep formasy mynalardy qamtıdy:
- Pıdjak, jılet, shalbar, aq saltanatty jeıde, kúndelikti aq jeıde (sýyq mezgilde: trıkotaj jılet, aq vodolazka). Uldarǵa arnalǵan erkin pishilgen shalbarlar uzyndyǵy boıynsha aıaqtyń tobyǵyn jabýy tıis.
Qyzdarǵa arnalǵan mektep formasy mynalardy qamtıdy:
- Pıdjak, kókirekshe, ıýbka, shalbar, klassıkalyq aq blýzka, sarafan (sýyq mezgilde: toqylǵan kókirekshe). Qyzdarǵa arnalǵan shalbarlar erkin pishilip, uzyndyǵy boıynsha tobyqty jabýy kerek, beldemsheniń uzyndyǵy - keńselik, tizeden 5 sm tómen.
Aıta ketsek, mektep formasyna túrli konfessııalardyń dinı kıim elementterin engizýge jol berilmeıdi.
Mektep formasyna orta bilim berý uıymdarynyń aıyrym belgileri (emblema, japsyrma jáne t.b.) ornalastyrylady. Olar kıimniń nemese aksessýardyń (pıdjak, jılet) syrtqy bóligine ornalastyrylady. Emblemanyń eskızin mektepte alýǵa nemese mektep saıtynda júkteýge bolady.
Mektep formasyna qoıylatyn talaptar jaraqattaıtyn fýrnıtýrasy bar kıim men aksessýarlardy kııýge jol bermeıdi.
Qujattyń tolyq mátinimen myna silteme arqyly tanysýǵa bolady.
