Vıtebskide «Slavıan bazary» XXXI halyqaralyq óner festıvali bastalady. Osynaý aýqymdy sharanyń resmı ashylý rásimi qarsańynda QR Mádenıet jáne sport vıse-mınıstri Nurǵısa Dáýeshov Belarýs Respýblıkasy Mádenıet mınıstriniń birinshi orynbasary Valerıı Gromadamen kezdesti.
Kezdesý aıasynda Nurǵısa Dáýeshov qazirgi ýaqytta eki el arasynda mádenı jobalardyń, kórme-jármeńkeler, kınofestıvalder jáne ózge de is-sharalar júzege asyrylyp jatqanyn atap ótti.
Sondaı-aq kezdesýde 2022 jylǵy 17-20 qarashada Qazaqstannyń Belarýstegi Mádenıet kúnderi josparlanǵany belgili boldy. Belarýstegi Qazaqstannyń Mádenıet kúnderi aıasynda Mınsk qalasynda qazaqstandyq artıster men shyǵarmashylyq ujymdardyń qatysýymen gala-konsert ótkizý, qoldanbaly óner kórmesin uıymdastyrý, Qazaqstannyń kıno kúnderin ótkizý, Ǵazıza Jubanova atyndaǵy memlekettik ishekti kvartettiń konserti josparlanyp otyr.
Basqosýda shyǵarmashylyq uıymdar men ujymdar arasyndaǵy yntymaqtastyq máselesine erekshe nazar aýdaryldy.
О́z kezeginde Valerıı Gromada yntymaqtastyqty jandandyrýǵa jáne birlesken jobalar men bastamalardy júzege asyrýǵa daıyn ekenin bildirdi.
