Qazaqstan men Uıym qarym-qatynasy qaraldy

Qazaqstan Respýblıkasynyń Syrtqy ister mınıstri Erlan Ydyrysov Eýropadaǵy qaýipsizdik jáne yntymaqtastyq uıymynyń (EQYU) Bas hatshysy Lamberto Zanermen kezdesti, dep habarlady osy vedomstvonyń baspasóz qyzmeti. Kezdesý barysynda Qazaqstan men EQYU arasyndaǵy ekijaqty yqpal­das­tyqty odan ári damy­týǵa baǵyttalǵan aýqymy keń máse­leler, onyń ishinde ózekti halyq­aralyq máseleler jáne ártúrli birlesken jobalar aıasyndaǵy ynty­maqtastyqtyń bolashaǵy talqylandy. E.Ydyrysov Qazaqstan men EQYU yntymaqtastyǵynyń ózekti máseleleriniń biri qaýipsizdikti qamtamasyz etý jáne transulttyq qaterlerge qarsy is-qımyl bolyp tabylady dep atap ótti. Osy turǵydan Aýǵanstan aýmaǵynan shyǵatyn yqtımal qaýip-qaterler Ortalyq Azııa elderi úshin de, barlyq halyqaralyq uıymdar úshin de óte mańyzdy bolyp qala bermek. Aýǵanstanmen ózara is-qımyl máselesi Uıymnyń kún tártibinen de túspek emes. «Úlken tájirıbesi bar EQYU, BUU jáne basqa halyqaralyq uıymdarmen birlesip, Ortalyq Azııa elderindegi shekara qyzmetiniń tıimdiligin nyǵaıtýǵa kómektese alar edi, Aýǵanstan men kórshi elderde esirtkige qarsy kúreske qoldaý kórsetý baǵdarlamalaryn júzege asyrýǵa qatysa alar edi dep sanaımyz», dep atap ótti QR SIM-iniń basshysy. Suhbattastar jumystyń mańyzdy baǵyt­tarynyń biri retinde EQYU Astana Sammıtiniń basymdyqtaryn birlesip ilgeriletý ekendigin rastady jáne bul baǵyt aldaǵy jyldarda Qazaqstannyń Uıymdaǵy qyzmetiniń negizgi basymdyǵy bolyp qala beretindigin alǵa tartty. Beıbitshilik pen yntymaqtastyqty nyǵaıtýda bolashaqtaǵy turaqty jáne senimdi áriptes retinde Qazaqstan 2017-2018 jyldary BUU Qaýipsizdik Keńesiniń turaqty emes músheleriniń quramyna, sonyń ishinde Astana deklarasııasyndaǵy strate­gııalyq maqsat – Eýroatlantıkalyq jáne Eýrazııalyq qaýipsizdik uıymyn qurý­ǵa qol jetkizý úshin óz kandıdatýrasyn usyndy. Taraptar, sondaı-aq, Ýkraınadaǵy ishki saıası ahýaldyń damý máselelerin talqylady. «Biz Ýkraınanyń daǵdarystan beıbit jolmen shyǵýyn jáne onyń BUU men basqa da bedeldi halyqaralyq uıymdardyń kómegimen kelissózder úderisi jolymen sheshilýin qalaımyz», dep atap ótti qazaqstandyq SIM basshysy. L.Zaner atap ótkendeı, osy jaǵdaıda «Uıymnyń Astana Sammıtinde aıtylǵan, birtutas jáne bólinbeıtin qaýipsizdik qaýymdastyǵyn qurýdy jalǵastyrý qajettiligi sezilip otyr». Kelissózder bary­synda álemdik ekonomıkanyń quldy­raýdan baıaý shyǵýy jáne teris ekono­mıkalyq faktorlardyń shydamsyz­dyq pen qysym kórsetýshiliktiń artýy áser etýi esebinen dinaralyq jáne etnos­aralyq tózimdilik máseleleri de talqy­landy. Taraptar EQYU óńirindegi, onyń ishinde ǵalamtordaǵy qastandyq jasaý men jekkórýshilik, ksenofobııa men ıslamo­fo­bııa saldarynan týyndaǵan qylmys­tardyń kóbeıýine alańdaýshylyq bildirdi. Kelissózder kún tártibiniń ba­s­qa bir mańyzdy pýnkti EQYU-nyń Qa­zaqstan­daǵy qyzmeti boldy. E.Ydyrysov Uıymdaǵy ister jaǵdaıynyń máni, onyń tıimdiligin arttyrý, qabyldanǵan sheshimderdi oryndaý jáne qaýipsizdiktiń barlyq úsh ólsheminde áleýetti nyǵaıtý boıynsha júıeli jáne josparly jumys­tyń qajettiligi jóninde aıtty. Al EQYU Bas hatshysynyń oıynsha, «Qa­zaqstan-2050» uzaq merzimdi damý strategııasyn eskere otyryp jáne elimizdiń tıis­ti qajettilikteri jaǵdaıynda Uıymnyń Qazaqstandaǵy ókildiginiń qyzmetin jańǵyrtý jáne zamanǵa saı beıimdeý jumystary júrgizilip jatyr.