Múgedekter múmkindigi sheksiz

Partııalyq «Kedergisiz keleshek» jobasy aıasynda «Nur Otan» partııasynyń Zerendi aýdandyq fılıalynda múmkindigi shekteýli azamattardy qoldaý jáne eńbekke ornalastyrý máselesin arqaý etken kezdesý bolyp ótti. – Eńbek qatynastary aıryqsha mańyzdy másele, – dedi basqosýdyń bet­asharynda partııanyń Zerendi aýdan­dyq fılıalynyń tóraǵasy, aýdan ákimi Malǵajdar Tátkeev. – Munda adam boıyndaǵy asyl qasıetter ashylyp, kez kelgen kisiniń qoǵamdaǵy orny men oǵan qyzmet etý sezimi aıqyndalady. Sondyqtan, densaýlyǵyna baılanysty múmkindigi shekteýli azamattarǵa qam­qorlyq keshendi sıpat alyp, eshkimdi beıtarap qaldyrmaýǵa tıisti. Bul – Táýelsiz memleketimizdiń qasterli paryzy. Aýdanda múgedek jandardyń quqyq­tary men múddelerin qorǵaý maqsatynda ońaltý baǵytyndaǵy 79 nysannyń tólqu­jaty zańdastyrylyp otyr. Byltyr belgi­lengen kvota negizinde 19 adam jumysqa ornalastyrylǵan. Sondaı-aq, «Jumyspen qamtýdyń jol kartasy-2020» baǵdar­lamasy aıasynda eki kisi áleýmettik jumysqa joldama alyp, qazir turaqty eńbekpen aınalysyp júr. Birneshe jas oblys ortalyǵyndaǵy kolledjderde tegin oqytylýda. – Ústimizdegi jyly múmkindigi shek­teýli úsh kisige jastar tájirıbesine, eke­ýine áleýmettik jumys ornyna joldama berilse, eki jerlesimiz jeńildetilgen nesıe alatyn bolady, – dedi aýdandyq jumyspen qamtý jáne áleýmettik baǵdarlamalar bólimi­niń basshysy Zeınegúl Qazıaqparova. – Múgedekterdi jumysqa ornalastyrý kvotasy 15 paıyzǵa artyp, 54 adamdy qurap otyr. Jıyn barysynda múgedekterdiń múmkindigi shekteýsiz ekendigine kóptegen mysaldar keltirildi. Aıtalyq, Bógenbaı aýylyndaǵy Bekbaevtar otbasy mal sharýashylyǵyn órkendetip, ózgelerge úlgi bola bilýde. Al Qyzyltań aýy­­lyn­daǵy 2-toptaǵy múgedek Baǵdat Qadyrov memle­kettiń kómegimen otbasylyq bız­nesti órkendetýge múmkindik aldy. Ol kisige byltyr shaǵyn nesıe berilgen eken. Qazir onyń jeke qojalyǵynda tórt túlik óz tóli esebinen kóbeıe tús­ken. Búgingi kúni B.Qadyrovtyń sharýa­shy­lyqty ke­ńeıtý jónindegi bıznes-jos­paryn qaraýǵa alǵan aýdandyq komıssııa oń sheshim qabyldaıdy degen úmit bar. Jaqsy mysaldyń biri retinde Zerendi aýylyndaǵy I.Sadyqov jetekshilik etetin «Kókshe-Amýr» JK óndiristi ke­ńeıtip, jerlesterine de jumys taýyp be­rip otyrǵany atap ótildi. Jınalysta aýdandyq fılıal tóraǵa­synyń birinshi orynbasary Lázzat Santas, aýdandyq máslıhattyń depýtattary Nyǵmet Hasenov, Kamıl Rasqulov, sóz alyp, ıgi bas­tamany qoldaý týraly oılaryn ortaǵa saldy. Kezdesý barysynda jumys berýshiler ózara yntymaqty memorandýmǵa qol qoıdy. Sondaı-aq, fılıal tóraǵasy, aýdan ákimi Mal­ǵajdar Tátkeev múmkindigi shekteýli aza­mat­tardyń tilegi boıynsha jeke qabyldaý ótkizdi. Baqbergen AMALBEK, «Egemen Qazaqstan». Aqmola oblysy, Zerendi aýdany.