Elimizde turatyn ózge ult pen ulys ókilderiniń qazaq tilin úırenýdegi qadamdaryna súısinýge bolady. Sebebi, sońǵy jyldary memlekettik tildi úırenýshilerdiń qatary molaıyp kele jatqanyna jıi kýá bolyp júrmiz. D.Serikbaev atyndaǵy Shyǵys Qazaqstan memlekettik tehnıkalyq ýnıversıtetinde «Til – dostyqtyń kepili» atty joǵary oqý oryndarynyń stýdentteri arasynda memlekettik tildi bilýden ótken baıqaý barysynda óskeleń urpaqtyń qazaq tiline degen bıik qurmetin taǵy da ańdadyq. Tilderdi damytý basqarmasy uıymdastyrǵan baıqaýdyń ereksheligi, synǵa túsken toptardyń barlyq músheleri – ózge ult ókilderi.
О́ńiraralyq yntymaqtastyqty damytý aıasyndaǵy oblys ákiminiń júldesi úshin bolǵan tartysqa Almaty, Qaraǵandy, Pavlodar jáne Shyǵys Qazaqstan oblystarynyń komandalary qatysty. Komanda músheleriniń bári de táýelsizdigimizdiń tól býyny, ıaǵnı 1992-1995 jyly týǵan uldar men qyzdar.
Stýdentter memlekettik tildi meńgerýde jeti tapsyrma boıynsha synǵa tústi. Alǵashqy «Sálemdesý» bóliminde ShQMTÝ stýdentteri Altaı asqaryn mekendegen baǵzy babalardyń bıik rýhy men jigerin beınelep, «Kók bóri» toteminiń mánin ashyp kórsete bildi. Bolashaq kenshiler men taý-ken ınjenerleri R.Morozov, S.Pıskarev, A. Hramsov á degennen-aq tildi taza meńgergenderin baıqatty. Olardan Pavlodar memlekettik pedagogıkalyq ýnıversıtetiniń stýdentteri T.Onıanov, E.Osıpova, J.Gladysheva da qalyspaı, qazaqtyń jeti atany bilý, bata berý syndy ulttyq dástúrlerinen ulaǵatty sóz qozǵady. «Oılan, tap» atty ekinshi bólimde kompıýter kómegimen kezdeısoq túsken uıashyqtaǵy saýaldarǵa úsh mınýt ishinde jaýap berip, alǵyrlyqtaryn kórsetken saıysta I.Jansúgirov atyndaǵy Jetisý memlekettik ýnıversıtetiniń tálimgerleri E.Kýrbanov, V.Naımasova, O.Tadjıeva, Qaraǵandynyń E.Bóketov atyndaǵy memlekettik ýnıversıtetiniń M.Parpeeva, K.Voronovskaıa, K.Kıseleva esimdi stýdentteri bilgirlik kórsetti.
Quramynda orys, ózbek, ázerbaıjan, tatar ulttarynyń ókilderi bar stýdentter sonymen birge, «Tapqyrlyq», «Maqal sózdiń munarasy», «Utqyr jaýap», «Ol kim, bul ne?», «О́ner tabý – órge shabý» syndy saıystardan da súrinbeı, qazaq tilin jetik meńgergenderin baıqatty. Dese de, báıgeniń aty – báıge. Memlekettik tildi meńgerýde aldyna jan salmaǵan jergilikti komanda bas júldeni, odan keıingi oryndardy almatylyq «Jetisý», qaraǵandylyq «Talap» jáne pavlodarlyq «Altyn qazyna» toptary ıelenip, baǵaly syılyqtarmen marapattaldy.
Qazylar alqasynyń tóraǵasy, óńirdegi «Qazaq tili» qoǵamynyń vıse-prezıdenti Oral Sháripbaev Shyǵys óńiriniń barlyq bastamalardyń basynda turǵanyn, onyń ishinde memlekettik tildi damytý oraıynda óńiraralyq ıntegrasııa múmkindikterin paıdalaný qazaq tiliniń órisin keńeıte túsetinin aıryqsha atap ótip, memlekettik tildi jetik meńgergen stýdentterge «Til patrıottary» atty tósbelgiler tabys etti.
Dýman ANASh,
«Egemen Qazaqstan».
О́SKEMEN.
О́ńiraralyq yntymaqtastyqty damytý aıasyndaǵy oblys ákiminiń júldesi úshin bolǵan tartysqa Almaty, Qaraǵandy, Pavlodar jáne Shyǵys Qazaqstan oblystarynyń komandalary qatysty. Komanda músheleriniń bári de táýelsizdigimizdiń tól býyny, ıaǵnı 1992-1995 jyly týǵan uldar men qyzdar.
Stýdentter memlekettik tildi meńgerýde jeti tapsyrma boıynsha synǵa tústi. Alǵashqy «Sálemdesý» bóliminde ShQMTÝ stýdentteri Altaı asqaryn mekendegen baǵzy babalardyń bıik rýhy men jigerin beınelep, «Kók bóri» toteminiń mánin ashyp kórsete bildi. Bolashaq kenshiler men taý-ken ınjenerleri R.Morozov, S.Pıskarev, A. Hramsov á degennen-aq tildi taza meńgergenderin baıqatty. Olardan Pavlodar memlekettik pedagogıkalyq ýnıversıtetiniń stýdentteri T.Onıanov, E.Osıpova, J.Gladysheva da qalyspaı, qazaqtyń jeti atany bilý, bata berý syndy ulttyq dástúrlerinen ulaǵatty sóz qozǵady. «Oılan, tap» atty ekinshi bólimde kompıýter kómegimen kezdeısoq túsken uıashyqtaǵy saýaldarǵa úsh mınýt ishinde jaýap berip, alǵyrlyqtaryn kórsetken saıysta I.Jansúgirov atyndaǵy Jetisý memlekettik ýnıversıtetiniń tálimgerleri E.Kýrbanov, V.Naımasova, O.Tadjıeva, Qaraǵandynyń E.Bóketov atyndaǵy memlekettik ýnıversıtetiniń M.Parpeeva, K.Voronovskaıa, K.Kıseleva esimdi stýdentteri bilgirlik kórsetti.
Quramynda orys, ózbek, ázerbaıjan, tatar ulttarynyń ókilderi bar stýdentter sonymen birge, «Tapqyrlyq», «Maqal sózdiń munarasy», «Utqyr jaýap», «Ol kim, bul ne?», «О́ner tabý – órge shabý» syndy saıystardan da súrinbeı, qazaq tilin jetik meńgergenderin baıqatty. Dese de, báıgeniń aty – báıge. Memlekettik tildi meńgerýde aldyna jan salmaǵan jergilikti komanda bas júldeni, odan keıingi oryndardy almatylyq «Jetisý», qaraǵandylyq «Talap» jáne pavlodarlyq «Altyn qazyna» toptary ıelenip, baǵaly syılyqtarmen marapattaldy.
Qazylar alqasynyń tóraǵasy, óńirdegi «Qazaq tili» qoǵamynyń vıse-prezıdenti Oral Sháripbaev Shyǵys óńiriniń barlyq bastamalardyń basynda turǵanyn, onyń ishinde memlekettik tildi damytý oraıynda óńiraralyq ıntegrasııa múmkindikterin paıdalaný qazaq tiliniń órisin keńeıte túsetinin aıryqsha atap ótip, memlekettik tildi jetik meńgergen stýdentterge «Til patrıottary» atty tósbelgiler tabys etti.
Dýman ANASh,
«Egemen Qazaqstan».
О́SKEMEN.
