Qurmetti otandastar!

Qazaqstan halqy Assambleıasy siz­der­di ys­tyq yqylaspen Qa­zaq­stan halqynyń bir­ligi kúni merekesimen quttyq­taıdy! Bul meıram – halqymyzdyń uıym­shyl­dyǵy, el birligi men qoǵamdyq kelisimniń sımvoly bolyp tabylady. Atalǵan uǵymdar ómirimizge nyq enip, árbir úı men otbasyna beıbitshilik, tynyshtyq, bolashaqqa degen senim ákeldi. Búgingi kúni beıbitshilik pen kelisim – memleketimizdiń, qoǵamymyzdyń jáne Otanymyzdyń árbir azamaty damýynyń bas­ty sharttary ekeni anyq. Qazaqstan Respýblıkasynyń Tuńǵysh Prezıdenti, Elbasy N.Á.Nazarbaevtyń saıası jigeriniń arqa­synda elimizdegi etnosaralyq úılesimdilik Táýel­siz Qazaqstannyń, onyń alýan túr­li mádenıetteriniń, tilderiniń, salt-dás­túr­leriniń kúsheıýine ózderiniń qaıtalanbas úlesin qosyp otyrǵan júzden astam etnosty biriktirdi. Beıbitshilik pen kelisim saıasaty hal­qymyzǵa uly tarıhı múmkindikti ashty. Ol kúsh-qaıratymyzdy biriktirip, yrysy mol jáne ósip-órkendegen Qazaqstan qurý úshin birlesip eńbek etý, urpaq ósirý, jarqyn bolashaǵymyzdy qurý bolyp tabylady. Sondyqtan, Qazaqstan Prezıdenti Assambleıanyń 21-sessııasynda beıbitshilik  jáne rýhanı kelisimniń biregeı mádenıeti – urpaǵymyzǵa qaldyratyn asyl qazy­nasy ispettes bizdiń jalpyǵa ortaq má­denı muramyz ekendigi jóninde taǵy atap aıtty. Qadirli qazaqstandyqtar! Sizderdi osy búkilhalyqtyq merekemen quttyqtaımyz! О́mirimiz jarqyn, aspanymyz ashyq, eli­mizdiń árbir shańyraǵynda rýhanı jylylyq pen molshylyq bolsyn. Qazaqstan halqyna myqty densaýlyq, baq-dáýlet, beıbitshilik, ortaq shańyraǵymyz – Qazaqstan Respýblıkasynyń ıgiligine arnalǵan jaqsy ister men yrys-bereke kó­beıe bersin dep shynaıy yqylaspen tile­gimizdi bildiremiz.  Qazaqstan halqy Assambleıasy