Qazaqstan Respýblıkasy Úkimetiniń qaýlysy №148

2014 jylǵy 24 aqpan,  Astana, Úkimet Úıi Aýdandyq mańyzy bar qala, aýyl, kent, aýyldyq okrýg ákiminiń basqarýyna beriletin aýdandyq kommýnaldyq múliktiń úlgi tizbesin bekitý týraly «Memlekettik múlik týraly» 2011 jylǵy 1 naýryzdaǵy Qazaqstan Respýblıkasynyń Zańy 11-babynyń 15-1) tarmaqshasyna sáıkes Qazaqstan Respýblıkasynyń Úkimeti qaýly etedi: 1. Qosa berilip otyrǵan aýdandyq mańyzy bar qala, aýyl, kent, aýyldyq okrýg ákimine basqarýyna beriletin aýdandyq kommýnaldyq múliktiń úlgi tizbesi bekitilsin. 2. Osy qaýly alǵashqy resmı jarııalanǵan kúninen bastap qoldanysqa engiziledi. Qazaqstan Respýblıkasynyń Premer-Mınıstri S.AHMETOV. Qazaqstan RespýblıkasyÚkimetiniń 2014 jylǵy 24 aqpandaǵy №148 qaýlysymen bekitilgen Aýdandyq mańyzy bar qala, aýyl, kent, aýyldyq okrýg ákiminiń basqarýyna beriletin aýdandyq kommýnaldyq múliktiń úlgi tizbesi 1. Aýdandyq kommýnaldyq zańdy tulǵalar (balabaqsha, mektep, mádenıet úıi, kitaphana). 2. Aýdandyq kommýnaldyq zańdy tulǵalarǵa bekitilgen múlik (ǵımarat, qyzmettik avtokólik). 3. Aýdandyq, oblystyq mańyzy bar qalanyń múlki, onyń ishinde aýdandyq kommýnaldyq menshikke aınaldyrylǵan (túsken) múlik: 1) ıesi joq jyljymaıtyn zattar; 2) tastalǵan zattar; 3) muraǵa qaldyrý quqyǵy boıynsha ótken múlik; 4) ıesiz qalǵan múlik; 5) olja; 6) qaraýsyz qalǵan janýarlar; 7) óz betinshe salynǵan qurylys. 4. Jalpy paıdalanýdaǵy obektiler jáne aýdandyq kommýnaldyq zańdy tulǵalarǵa bekitilp berilmegen ózge de múlik (avtomobıl joly, eldi mekenniń kóshesi, saıabaq, skver, bos ýaqytty ótkizý orny, eskertkish).