Aqtóbede qoǵamdyq kólikterde júrý jolaqysy qymbattady

AQTО́BE. 1 mamyr. Aqtóbe qalasyndaǵy qoǵamdyq kólikterde jol júrý baǵasy búginnen bastap qymbattady. Bul týraly egemen.kz tilshisi habarlady. Úlken jáne ortasha syıymdylyqtaǵy avtobýstarda jolaqy baǵasy - 55 teńge, al shaǵyn syıymdylyqtaǵy avtobýstardyń jolaqysy 60 teńge boldy. «Avtopark» seriktestigi jol júrý baǵasyna ózgertýler engizý týraly máseleni byltyrdan beri kótergen. «Emshan» kompanııasynyń basshysy Meıirjan О́ndirgenovtiń aıtýynsha, qalalyq ákimdikte jańa jolaqy baǵasy bıyl bekitilipti. Jolaqynyń jańa tarıfi «Avtopark» mekemesine aldaǵy ýaqytta ekologııalyq qaýipsizdigi jaǵynan talaptarǵa tolyq jaýap beretin otandyq, sondaı-aq, shetelderden shyǵarylǵan jańa avtobýstardy satyp alýǵa, turaqty jumys ornyn saqtaýǵa múmkindik beredi dep kútilýde. Munyń taǵy bir jaǵy, ol osy saladaǵy kásibı mamandardyń qataryn tolyqtyrý úshin eńbekaqy kólemin ósirýge, kásiporynnyń materıaldyq-tehnıkalyq bazasyn jańartýǵa, dıagnostıkalyq jabdyqtar men stanoktar, basqa da óndiriske qajetti qural-jabdyqtar satyp alýǵa kómektesýge tıis. Satybaldy Sáýirbaı. Derekkóz: egemen.kz. Foto: auto.headline.kz.