Quttyqtaımyz
Kezinde gazetimizde shırek ǵasyrdan astam salıqaly qyzmet atqarǵan ardager jýrnalıst Ǵalym Tynybaev 80 jastyń seńgir bıigine kóterilip otyr. Taǵdyr ǵıbrattary erekshe, keıingi jastarǵa tálim-tárbıesi men ónege-órnegi mol, árdaıym aqjarqyn qalpynan aınymaıtyn asyl aǵany mereıjasymen quttyqtaı otyryp, uzaq ómir, baıandy baqyt, myqty densaýlyq tilep, qyzyq-qýanyshpen jasaı berińiz demekpiz.
Ǵalaqa, alapaly altyn adam,
Túsirmes nar minezdiń narqyn áman,
Kezinde «Sosıalıstik Qazaqstan»
Syrbazdar Baǵaevtaı jarqyraǵan.
Jas shaqta Shyńjańda da shyńdaldyńyz,
Qashǵar men Úrimjide júlde aldyńyz.
Záýzaty Shoqataı men Tynybaıdyń –
Oralyp atajurtqa úlgi aldyńyz.
Qytaısha tilge júırik, uıǵyrsha da,
Saıraıtyn qajet bolsa bulbulsha da,
Júregi án men kúıge búlkildegen,
Buıyrǵan Ǵalaqańa dúldúl sana.
Elemeı eldiń sypsyń ósegin de,
Atpaıtyn eshkimge tas, kesegin de,
Únemi adal júrip, aq sóıleıtin,
Ǵalaqań bekzattardyń esebinde!
Kórki bar kóńilińniń patshadaıyn,
Ataly qasıetteı aq samaıyń,
Jan aǵa jasasyn dep qýanamyz,
Jan nuryn jarqyldatyp tókse dáıim!
Egemenqazaqstandyqtar.
