Oblystyq jedel járdem stansııasynyń málimetinshe, 103 jelisine iri jol-kólik oqıǵasy týraly habarlama búgin saǵat 12:38-de túsken.
«Qońyraý shalýshylardyń aıtýynsha, Ekibastuzdan 25 shaqyrym jerde vahtashylardy Atyraýǵa alyp bara jatqan avtobýs aýdarylǵan. Oqıǵa ornyna 5 jedel járdem brıgadasy jiberildi», dedi stansııadan.
Medısına qyzmetkerleri shaqyrý ornyna 14 mınýtta jetken. Avtobýsta barlyǵy 32 adam bolǵan. Onyń 16-sy Ekibastuz qalalyq aýrýhanasyna jetkizildi.
«19-53 jas aralyǵyndaǵy er adamdarda bassúıek mı jaraqattary, mıdyń shaıqalýy, túrli kógerýler men synyqtar tirkeldi», delingen oblystyq jedel járdem stansııasy málimetinde.
Oblystyq Polısııa departamenti jol apaty týraly ázirge aqparat usynǵan joq.
